JOB 27:6 - Dios Rimashcata Quillcashcami

⁶ Ñucaca cashcata ruhuanataca charirac shina manatac saquishachu. Ñuca causashcacamanca ñuca shungupica manatac cungarishachu.

JOB 27:6 ပူးပေါင်းရင်းမြစ်များ

JOB 13:18

Ñucataca cashcata ruhuacmi ningami. Chaimantami ñuca ima shina cashcata rimanata munani.

JOB 17:9

Ashtahuanpish cashcata ruhuac runaca, cashcata ruhuashpa caticungallami. Ima mana allita ruhuac chuya maqui runaca ashtahuanmi sinchi tucunga.

JOB 2:3

Shina nicpi, Mandac Diosca Satanastaca: —Ñucata servic Jobca cashcata ruhuac, pi mana juchanchipac, Diostapish manchac, millaita ruhuanamanta anchurishca runa cashcataca, ¿manachu ricushcangui? Cai pachapica pai shinaca pipish mana tiyanchu. Shina causacucpipish llaquichingapac cui nircanguimi. Shina cucpipish, paica cunancamanca ima mana allita manarac ruhuanchu— nirca.

JOB 27:7

Ñucata piñacca Diosta mana manchac runa shina, ñucata llaquichicca mana allita ruhuac runa shina cachun.

JOB 29:14

Ñucaca churanata churaric shinami cashcata ruhuashpa causarcani. Chaimi ñucataca pilluchirca. Ñucapac jahualla churana shinaca, allita ruhuanami carca.

JOB 31:6

Dios cashcatatac pezac balanzapi pezashpa ñuca ima pandata ruhuashcata ricuchun.

JOB 31:7

Alli ñanmanta caruyashca cacpi, ñuca ñahui ricushcata shungupi yuyarishca cacpi, ñuca maquihuan mapayashca cacpica,

JOB 32:1

Job cashcata ruhuac cashcamantami chai quimsa runacunaca Job rimashcataca mana cutichi pudircacuna.

JOB 32:2

Chaimantami Buz llactamanta Rampac familiapura Beraquielpac churi Eliuca Jobhuan sinchita piñarirca. Diosmi cashcata ruhuac ninapac randica pai cashcata ruhuacmi cani nishcamantami chashnaca piñarirca.

JOB 40:8

¿Ñuca nishcataca yangatachu ruhuasha ningui? ¿Canca jucha illacmi cani nishpachu, ñucatarac juchanchisha ningui?

JOB 6:29

Cunanca, alli yuyaita cutin japishpa, ama millaita rimaichicchu. Ñucataca imatapish cashcata ruhuac cashcata cutin yuyaringuichic.

PROVERBIOS 4:13

Alli yachaitaca chasquingui ama saquinguichu, chai yachaitaca alli huacaichingui. Chaimi cambac causaica.

HECHOS 24:16

Chaimantami ñucaca Diospac ñaupapipish, gentecunapac ñaupapipish mana juchanchishca alli causanata munani.

2 CORINTIOS 12:11

Ñuca jatun tucushpaca, yuyai illac shinami cancunamantaca tucuni. Ñuca yangalla shina cashpapish, cancuna yuyashca shina chai jatun yachacmi nishca huillaccunahuan chimbapuracpica, paicunaca mana ñucamanta yallichu.