JOB 27:20 - Dios Rimashcata Quillcashcami

²⁰ Manchana yacu shinami jatun manchaica japinga. Manchaipac tamya huaira tuta shamushpami tucuchinga.

JOB 27:20 ပူးပေါင်းရင်းမြစ်များ

2 REYES 19:35

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadocunata huañuchirca. Cayandi tutamanta jatarishpaca, tucui huañushca siricuctami ricurca.

JOB 15:21

Paipac ringripica manchana culun nishcami uyarin. Cushilla causacucpimi, tucuchic runa shamushpa tucuchinga.

JOB 18:11

Tucui ladomantami llaquicuna shamushpa manchachinga. Chaqui talonpi saruc shinami yallita manchachishpa catinga.

JOB 20:23

Huicsa pactata micugricucpimi, Diosca nina japiric shina piñarishpa, paipac jahuapipish, paipac micuna jahuapipish tamyachinga.

JOB 20:8

Muscushca shinallami tucuringa. Paitaca mana taringachu. Muscuipi ricushca shinallami chingaringa.

JOB 21:18

Paicunaca huaira apanalla ucsha shina, mana cashpaca jatun huaira apanalla tamo shinami.

JOB 22:16

Paicunaca manarac huañuna punzha chayacpimi huañurcacuna. Jatun yacu apashca shinami tucurirca.

JOB 24:18

Jatun yacupi puscu callpac shinami miticuncuna. Paicuna charishca allpacunapish mana alli nishcami canga. Paicunapac uvas chagrapica pi mana puringacunachu.

JOB 34:20

Chaupi tutami runacunaca cungailla huañuncuna. Yallita alli nishca runacunapish, tucuita ruhuac Dios maquihuan manapish huactacpimi chingaringacuna.

SALMOS 18:4

Huañuchic llaquicunami pilluc shina japirca. Millaicunaca jatun yacu jundac shinami yallita manchachirca.

SALMOS 42:7

Yacuca urcucuna catichictami huaj nishpami shamucun. Can cachashca yacucuna jatarishpami ñuca jahuata pasacun.

SALMOS 83:16

Mandac Dioslla, paicuna canta mashcachun pingaichishpa ñahuita pucayachiyari.

SALMOS 90:5

Gentecunataca jatun yacuta cacharic shinami tucuchingui. Muscushca shinallami chingarincuna. Tutamanta huiñashca quihua shinami canchic.

ÉXODO 12:29

Mandac Diosca Egipto llactapi punta huacharishca cari huahuacunataca chaupi tutami huañuchirca. Faraón mandashpa tiyana huasipi causacuc punta churimanta callarishpa, carcelpi tiyaccunapac punta churicunacamanmi huañuchirca. Shinallatac punta huacharishca cari animalcunatapish tucuimi huañuchirca.

DANIEL 5:30

Chai tutallatacmi caldeocunata jatun mandac Belsasarca huañurca.

JONÁS 2:3

Ñucata, mama cucha chaupipi shitacpica, yallita callpacuc yacumi muyundita taparca. Cambac timbucuc yacupish, caiman chaiman cuyuricuc yacupish ñuca jahuatami pasarca.