JOB 24:5 - Dios Rimashcata Quillcashcami

⁵ Huacchacunaca, sacha burrocuna shitashca pambaman llucshic shinami micunata mashcashpa rincuna. Shitashca pambapimi, paipac huahuacunamanca micunata tarincuna.

JOB 24:5 ပူးပေါင်းရင်းမြစ်များ

GÉNESIS 16:12

Paica yalli piñami canga. Paica tucuihuanmi piñanacunga. Shinallatac tucuimi paita piñanga. Tucui paipac huauquicunahuanmi piñanacushpa causanga— nirca.

GÉNESIS 27:40

Espadahuan misarishpa, huauquita servishpami causangui. Sinchiyashpaca yugota cambac cungamanta anchuchic shinami, servinamanta llucshingui» nirca.

JOB 12:6

Shuhuaccunapac huasipica tucuimi alli can. Diosta piñaccunapish, imatapish mana manchashpami cushicushpa causancuna. Diosllatac cucpi paicuna ima charishcapi shunguta churashpami causancuna.

JOB 24:14

Huañuchic runaca, achic punzhami huacchacunata, imata mana chariccunata huañuchingapac jatarin. Tutaca shuhuacmi tucun.

JOB 24:6

Shucpac allpacunamantami micunata tandachincuna. Diosta mana manchaccunapac uvas chagramantami pallancuna.

JOB 5:5

Paipac granocunataca, yarcaihuan caccunami micunga. Casha chaupipi cacpipish, llucchishpami apangacuna. Paicuna charishcataca yacunayaihuan shinami tucuchinga.

SALMOS 104:23

Runacunaca imatapish ruhuangapac llucshishpaca, tutayangacamanmi trabajancuna.

PROVERBIOS 4:16

Paicunaca ima millaita mana ruhuashpaca, mana sueñuncunachu. Pitapish mana pandachishpaca, sueñuitapish mana charincunachu.

JEREMÍAS 2:24

Shitashca urcupi causac huarmi burro cari burrota mashcashpa, mutquishpa maitapish callpac shinami cangui. Chai huarmi burro cunucyashcataca, ¿pitac jarcai pudingayari? Tucui paita mashcaccunapish mana shaicushpa taringami.

OSEAS 7:6

Paicunapac shunguca rupac horno shinami. Paicunaca tuta sueñushpa, cayandi tutamanta horno rupacuc shinami, imata ruhuangapac yuyarishpa pacarin.

OSEAS 8:9

Paicunallatacmi Asiria llactaman sacha burro shina huichai rirca. Efraín ailluca cuyashcacunatami alquilarca.

MIQUEAS 2:1

¡Aij, millaillata yuyashpa causaccunalla! ¡Sueñushpa ima millaita ruhuanata yuyariccunalla! Ña pacarimucpica, paicuna yuyarishca shinallatacmi ruhuan. Paicunaca sinchi mandac cashpami chashna ruhuan.

SOFONÍAS 3:3

Paicunata mandaccunaca leoncuna shinami huacacun. Juezcunaca tuta animalta japishpa, tutamantapac shuc tullullatapish mana puchuchic shinami cancuna.

SAN JUAN 18:28

Curacunata mandac Caifaspac huasimantaca, Roma llactata mandashpa tiyana huasimanmi Jesusta aparcacuna. Ña tutamantami carca. Chaimantami Pascua micuita micungapacca ama mapayashun nishpa, israelcunaca jatun mandacpac ucuman mana yaicurca.

HECHOS 23:12

Cayandi tutamanta maijan israelcunaca Pablota huañuchingacaman manatac micungapac, manatac ubiangapacmi ari ninacurca. Mana chaita pactachicpica, Dios llaquichichunmi ari ninacurca.