JOB 24:17 - Dios Rimashcata Quillcashcami

¹⁷ Paicunamanca achic punzhaca pura tuta shinami. Paicunata pi ricsinataca, huañuchic amsata shinami manchancuna.

JOB 24:17 ပူးပေါင်းရင်းမြစ်များ

1 REYES 3:20

Chaimantami paica chaupi tuta jatarishpa, canta servic ñuca sueñucucllapitac ñuca huahuataca japishpa paipac ladopi churashca carca. Shinallatac paipac huahua huañushcataca ñuca ladopimi churashca carca.

JOB 15:21

Paipac ringripica manchana culun nishcami uyarin. Cushilla causacucpimi, tucuchic runa shamushpa tucuchinga.

JOB 16:16

Ñuca yallita huacacpimi ñahuica punguillishca. Ñuca ñahuipish amsayashpa ña mana ricunchu.

JOB 3:5

Chai punzhaca purayashca huañuna llandu cachun. Punzha purayashca shina, manchanayaita ruhuashpachari alli canman.

JOB 38:13

¿Canchu achicyachictaca tucui allpata achicyachishpa, Diosta mana manchaccunata maita cachachun ricuchircangui?

ISAÍAS 28:19

Chai llaquicunami tucui tutamantacuna, chishicuna, tucui punzhacuna pasanga. Chai shamucta uyashpallami manchashpa urmanguichic.

JEREMÍAS 2:26

Shuhuac japi tucushpa, pingai tucuc shinami, israelcunaca juchata ruhuashcamanta pingai tucunga. Paicunapish, jatun mandaccunapish, paicuna churashca mandaccunapish, curacunapish, huillaccunapishmi pingai tucunga.