JOB 23:16 - Dios Rimashcata Quillcashcami

¹⁶ Diosmi ñuca shungupica manchaita churarca. Tucuita ruhuac Diosmi ñucataca manchachishpa charicun.

JOB 23:16 ပူးပေါင်းရင်းမြစ်များ

JOB 16:12

Ñuca sumacta causacucpimi, ñutuchic shina saquirca. Cungamanta japishpami pitinacuc shina ruhuarca. Lanzahuan shitangapac ricuchic shinatami ruhuarca.

JOB 23:15

Chaimantami paipac ñaupapica ñucaca yallita mancharini. Pai ima shina cacta yuyarishpaca yallitami chucchuni.

JOB 27:2

«Ñuca japina cashcata quichuc Diosca causacunmi. Ñuca almata llaquichic tucuita ruhuac Diosca ricucunmi.

SALMOS 22:14

Ñucaca talliricuc yacu shinami tucuricuni. Ñuca tullucunapish tucui quihuirishcami. Ñuca shunguca huira nuyucuc shinami tucuricun.

SALMOS 88:16

Can yallita piñarishcaca ñitic shinami ñucataca llaquichicun. Can cachashca manchaimi yallita llaquichicun.

ISAÍAS 57:16

Ñucaca mana huiñaita piñarishpa, llaquichicushallachu. Chashna cacpica, ñuca ruhuashca runacunaca shungu tutayashpa ñuca ñaupapi tucuringami.

ISAÍAS 6:5

Chaita ricushpa ñucaca: «¡Aij, ñucaca huañugrinimi! Ñucaca mapa shimicunata rimacmi cani. Mapa shimicunata rimac runacunapac chaupipimi causani. Chashna cashpapish tucuita Mandac Diostami ñuca ñahuihuantac ricucuni» nircani.

JEREMÍAS 51:46

Llactacunapi llaquita uyashpapish ama manchaichicchu. Ama shaicuichicchu. Chai llaquicunaca huatantami uyaricungalla. Shuc llactata jatun mandacca shuctac llactata mandac-huanmi piñanacunga.

JOEL 1:15

Mandac Dios llaquichina punzhami ña pactamun. ¡Tucuita ruhuac Dios yallita llaquichishpami tucuita tucuchinga! ¡Aij, chai punzhaca yalli llaqui punzhami canga!

DEUTERONOMIO 20:3

“Israelcuna caita uyaichic. Cunanmi, cancunata piñaccunahuan macanacungapac ringuichic. Paicunapac ñaupapica ama chucchuichicchu. Ama manchaichicchu, ama manchailla caichicchu, ama manchai shungu caichicchu.

RUT 1:20

Shina cacpimi Noemica: —Ama Noemí nishpa cayaichicchu, ashtahuanpish Mara nishpa cayaichic. Imatapish ruhuac Diosca yalli llaquitami ñucaman cushca.