JOB 22:8 - Dios Rimashcata Quillcashcami

⁸ Achcata charic runalla, allpatami japircangui. Alli nishca runalla, chaipimi causarcangui.

JOB 22:8 ပူးပေါင်းရင်းမြစ်များ

JOB 12:19

Curacunataca paicuna imata ruhuana cashcamanta anchuchinmi, poderta chariccunatapish llucchishpami cachan.

JOB 13:8

¿Maijantac ñahuita ricushpalla rimashpaca, Diospac allipacchu rimanguichic? ¿Diospac randichu rimacunguichic?

JOB 31:34

Mana achca gentecunata manchashcamantachu, mana ñuca familiacuna piñanata manchashcamantachu, ñuca huasi ucupi upalla saquirishcani.

JOB 9:24

Cai pachataca paita mana manchaccunapac maquipimi churashca. Paica juezcunapac ñahuitapish tapanmi. Mana pai ruhuacpica, ¿pitac ruhuangayari?

SALMOS 12:8

Millai runacunata tucui alli nicpimi, paicunaca maipipish muyucuncuna.

ISAÍAS 3:3

pichca chunga soldadocunata mandactapish, cunac runatapish, artesanotapish, sumac shimicunata rimac runatapishmi anchuchinga.

ISAÍAS 9:15

Umaca pushac yuyaccuna, alli nishca runacunami. Chupaca llullashpa yachachiccunami.

MIQUEAS 7:3

Paicunapac maquica ima mana allita ruhuangapac yachachishcami. Jatun mandaccunaca mana allita ruhuangapacmi imatapish cuchun mañacun. Juezcunaca imata pacalla japishpami mandan. Mandacpish, paipac shungu munashcatami riman. Chashnami allita ruhuanataca saquin.