JOB 22:16 - Dios Rimashcata Quillcashcami

¹⁶ Paicunaca manarac huañuna punzha chayacpimi huañurcacuna. Jatun yacu apashca shinami tucurirca.

JOB 22:16 ပူးပေါင်းရင်းမြစ်များ

GÉNESIS 7:11

Noeca sucta patsac huatayuc cacpi, chai huata callarishca ishcai quilla, chunga canchisniqui punzhapimi allpa ucumantapish yacuca timbushpa llucshirca. Jahua pachamantapish yacu punguta pascac shinami tamyai callarirca.

JOB 14:19

jatun yacucuna rumicunata tucuchic shina, ñuto allpata yacu apac shinami, runa imata shuyacushcatapish tucuchingui.

JOB 15:32

Paica huañuna punzha manarac chayacpimi huañunga. Paipac retoñocunapish mana verdiyangachu.

JOB 21:13

Tucui punzhacuna cushilla causashpami huañushpapish sumacta Seolman urai rincuna.

JOB 21:18

Paicunaca huaira apanalla ucsha shina, mana cashpaca jatun huaira apanalla tamo shinami.

JOB 24:18

Jatun yacupi puscu callpac shinami miticuncuna. Paicuna charishca allpacunapish mana alli nishcami canga. Paicunapac uvas chagrapica pi mana puringacunachu.

JOB 36:14

Paicunaca huambraracmi huañungacuna. Paicunapac causaica pinganayaipac tucushpami tucuringa.

JOB 4:19

Ñuto allpa jahuapi allpamanta huasichishca shina, runacunatacarin, ¡maitatac alli ningayari! ¡Paicunaca polilla micucpi tucurinallami cancuna!

SALMOS 102:24

Chashna ruhuacpimi ñucaca: «Ñuca Dioslla, ama ñuca causana chaupi punzhacunata quichuichu. ¡Cambac huatacunaca huiñai huiñaitami can!»

SALMOS 55:23

Ñuca Dioslla, huañuchiccuna, llullaccunaca mana unaita causangachu. Paicunataca chingarina jatun jutcumanmi shitangui. Ashtahuanpish ñucaca canllapimi shunguta churani.

SALMOS 90:5

Gentecunataca jatun yacuta cacharic shinami tucuchingui. Muscushca shinallami chingarincuna. Tutamanta huiñashca quihua shinami canchic.

PROVERBIOS 10:27

Mandac Diosta manchacpica, causana punzhacunami miran. Ashtahuanpish Diosta mana manchaccunapac causana punzhacunaca utcami tucurin.

ECLESIASTÉS 7:17

Ama yalli millaipish, ama yalli yuyai illacpish canguichu. ¿Ima nishpatac huañui manarac chayacpi huañungui?

ISAÍAS 28:2

Riquichic, Mandac Diosca manchana rundu shina, jatun acapana huaira shina, pi mana jarcaipac yacu shina, imatapish tucuchiclla, jatun poderyuc runatami cachan. Paimi cai llactataca pambaman urmachinga.

2 PEDRO 2:5

Ñaupa punzhacunapi causaccunatapish Diosca mana perdonarcachu, ashtahuanpish yacu juizhuhuanmi millai gentecunataca tucuchirca. Shina cashpapish Dios munashca shina causachun nishpa, huillac Noellatami paihuan cac canchiscunandi quishpichirca.