JOB 22:12 - Dios Rimashcata Quillcashcami

¹² Diosca jahua pachamanta ashtahuan jahua pachapimi tiyacun. Lucerocunapish paimanta urapimi cancuna. Chaitaca ricuiyari.

JOB 22:12 ပူးပေါင်းရင်းမြစ်များ

JOB 11:7

¿Canca Diospac pacashca yuyaicunataca yachai pudinguichu? ¿Tucuita ruhuac Dios ima shina cashcataca entendinguichu?

JOB 11:8

Paica jahua pachatapish yalli jatunmi. Chashna cacpica, ¿imatatac ruhuai pudingui? Seolmanta ashtahuan ucu pachapimi. Shina cacpica, ¿ima shinatac ricsi pudingui?

JOB 35:5

Jahua pachata huichailla ricushpa, chaipi tiyac puyuta allita ricuiyari. Chaicunaca cantapish yalli jahuamanmi tiyacun.

SALMOS 115:16

Jahuamanta ashtahuan jahua pachapish Mandac Diospacmi. Ashtahuanpish cai pachataca paillatacmi huañuclla gentecunaman cushca.

SALMOS 115:3

¡Ñucanchic Diosca jahua pachapimi! ¡Pai munashcatami tucuita ruhuashca!

ECLESIASTÉS 5:1

Diospac huasiman rishpaca, alli cangapac ringui. Imata mana yachac, mana entendic runacuna shina, animalta Diosman cushpa huañuchinapac randica, chaipi yachachishcata uyangapacmi ashtahuan cuchuyana cangui.

ECLESIASTÉS 5:2

Diospac ñaupapica manarac alli yuyarishpa ama rimaichu. Manarac alli yuyarishpaca ama imatapish ruhuashami nichu. Diosca jahua pachapimi, canca allpapimi cangui. Shina cashcamanta can imata ruhuaipacllata ari ningui.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

ISAÍAS 66:1

Mandac Diosca: «Jahua pachaca ñuca mandashpa tiyanami. Cai pachaca ñuca chaqui sarunami. ¿Maipitac ñuca huasitaca shayachinguichic? ¿Maipitac ñuca samarinataca ruhuanguichic?