JOB 22:10 - Dios Rimashcata Quillcashcami

¹⁰ Chaimantami cambac muyundipi llaquichiccunaca tiyan. Cungailla llaquicuna japishpami manchachinga.

JOB 22:10 ပူးပေါင်းရင်းမြစ်များ

JOB 13:21

Cambac maquita ñucamanta cutichi, jatun manchaita ñucamanta anchuchi.

JOB 15:21

Paipac ringripica manchana culun nishcami uyarin. Cushilla causacucpimi, tucuchic runa shamushpa tucuchinga.

JOB 18:11

Tucui ladomantami llaquicuna shamushpa manchachinga. Chaqui talonpi saruc shinami yallita manchachishpa catinga.

JOB 19:6

Diosllatac ñucata llaquichishpa, paipac linchipi japishcataca yachanami canguichic.

JOB 36:17

Shina cacpipish, canca Diosta mana manchaccuna shinallatacmi llaquichishca cangui. Taripashpa llaquichishcami cangui. Chaimantaca mana quishpiringuichu.

JOB 5:5

Paipac granocunataca, yarcaihuan caccunami micunga. Casha chaupipi cacpipish, llucchishpami apangacuna. Paicuna charishcataca yacunayaihuan shinami tucuchinga.

JOB 6:4

Tucuita ruhuac Diospac flechacunami ñucapi yaicushca. Chai flecha venenotami ñuca almaca ubiashca. Diospac jatun manchaimi ñucahuan macanacucun.

SALMOS 11:6

Mandac Diosca millaicunapac jahuapica ninatapish, rupacuc azufretapish tamyachingami. Tucuita tucuchic tamya huairatapish cachangami. Tucui caicunami copamanta ubiana llaquicuna shina canga.

PROVERBIOS 1:27

Cancuna manchana jatun llaquicunaca tucuchic shinami shamunga. Jatun acapana huaira shina shamushpami, cancunataca yallita llaquichinga.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.