JOB 21:7 - Dios Rimashcata Quillcashcami

⁷ ¿Ima nishpatac Diosta mana manchaccunaca yuyaccaman causashpa ashtahuan charicyancuna?

JOB 21:7 ပူးပေါင်းရင်းမြစ်များ

JOB 12:19

Curacunataca paicuna imata ruhuana cashcamanta anchuchinmi, poderta chariccunatapish llucchishpami cachan.

JOB 12:6

Shuhuaccunapac huasipica tucuimi alli can. Diosta piñaccunapish, imatapish mana manchashpami cushicushpa causancuna. Diosllatac cucpi paicuna ima charishcapi shunguta churashpami causancuna.

JOB 9:24

Cai pachataca paita mana manchaccunapac maquipimi churashca. Paica juezcunapac ñahuitapish tapanmi. Mana pai ruhuacpica, ¿pitac ruhuangayari?

SALMOS 17:10

Chaicunaca huira tapashca shungucunami. Jatun tucushpami imatapish rimancuna.

SALMOS 37:35

Diosta mana manchac runataca yallita jatun tucuctami ricurcani. Libanopi tiyac cedro yura shina jatunyactami ricurcani.

ECLESIASTÉS 7:15

Tucui caicunatami ñuca yanga causai punzhacunapi ricushcani. Cashcata ruhuac runaca, cashcata ruhuac cashpapish huañunllami. Mana allita ruhuac runaca, mana allita ruhuac cashpapish unaitami causan.

ECLESIASTÉS 8:14

Cai pachapica shuctac yanga ruhuaicunapish tiyanmi. Cashcata ruhuaccunaca Diosta mana manchaccuna shinallatacmi llaqui tucuncuna. Diosta mana manchaccunaca cashcata ruhuaccuna shinami alli causancuna. Chaicunapish yangami ninimi.

DANIEL 4:17

Angelcunaca cai pacha runacunapac llactataca jahua pacha Dios mandacushcata, chai mandanata pai piman cusha nishpaca cuclla cashcatapish, tucuimanta yalli yangalla runata mandanapi churac cashcata causaita chariccuna yachachunmi chashna mandashpa huillarca’ nirca.

HABACUC 1:13

Canca jucha illac cashpami, millaitaca mana ricusha ningui. Ima mana allitapish mana ricusha ninguichu. ¿Ima nishpatac mana cazuccunataca ricucunguilla? ¿Ima nishpatac canta mana manchac runa cashcata ruhuac runata llaquichicucta ricucunguilla?