JOB 20:5 - Dios Rimashcata Quillcashcami

⁵ Mana allita ruhuaccunapac cushicuica utcami tucurin, Diosta mana manchac runapac cushicuipish ashacamallami can.

JOB 20:5 ပူးပေါင်းရင်းမြစ်များ

2 SAMUEL 18:14

Shina nicpimi Joabca: —Mana canhuan caipi yanga shayacusha ninichu— nirca. Shina nishpami, quimsa flechata maquipi apashpa, Absalonpacman rishpa shungupi satirca. Absalonca encina ramacunapica causacurcaracmi.

2 SAMUEL 18:15

Quipataca Joabpac escudocunata apac chunga runacunami muyunacushpa tucui huañuchirca.

ESTER 7:10

Shina mandacpimi, Amantaca Mardoqueota sipingapac paillatac shayachichishca caspipi huarcurca. Chashna ruhuacpimi jatun mandacca yallita piñarishcata pasachirca.

JOB 21:28

Cancunaca: “¿Mandacpac mandana huasica maipitac? ¿Diosta mana manchaccunapac huasicunaca maipitac?” ninguichicmi.

JOB 27:8

Chaica, ¿millaita ruhuac runa mashnata shuhuashca cacpipish Dios paipac causaita quichucpica, ima shuyanata charingachu?

JOB 34:30

Millaita ruhuac runa chai llactapi causaccunata ama pandachishpa mandachunmi, chashnaca ricucun.

JOB 5:3

Sinchi shungu runataca sapiyashca shina ñaupaman rictami ricurcani. Shina cacpipish paipac huasitaca chai punzhallatacmi maldiciarcani.

JOB 8:19

Paipac cushilla causanaca chashnami tucuringa. Pai huiñashca pushtupica shuctac quihuacunami huiñanga.

SALMOS 37:10

Asha punzha quipaca millaita ruhuacca chingaringami. Pai tiyacushca pushtupi ricugrishpapish mana taringuichu.

SALMOS 94:3

Mandac Dioslla, ¿ima horascamantac canta mana manchaccuna cushicungayari? ¿Ima horascamantac chashna cachun saquinguiyari?

SALMOS 94:4

Paicunaca millaita ruhuaccunami. Capariccuna, jatun tucushcacunami. ¿Maicamantac millaita ruhuashpa cushicuchun saquinguiyari?

SAN MATEO 7:21

Mana tucui ‘Apunchic Jesús, Apunchic Jesús’ niccunachu jahua pacha Dios mandacucmanca yaicunga, ashtahuanpish jahua pacha cac ñuca Taita munashcata ruhuaccunallami yaicunga.

GÁLATAS 6:4

Allita, mana allita ruhuacushcata ricungapacca, quiquinllatac ima shina causacushcatami ricuna can. Chashna ricushpami mana shuccunahuan chimbapurashpa, ashtahuanpish quiquinllatac allita ruhuacushcamanta cushicuna can.

SANTIAGO 4:16

Ashtahuanpish cancunaca jatun tucushpami, caitapish, chaitapish ruhuashunmi nicunguichic. Chai shina imapipish jatun tucunaca mana allichu.