JOB 2:6 - Dios Rimashcata Quillcashcami

⁶ Shina nicpi, Mandac Diosca Satanastaca: —Riqui, paica cambac maquipimi. Shina cacpipish paipac causaipica ama tuparinguichu— nirca.

JOB 2:6 ပူးပေါင်းရင်းမြစ်များ

2 CRÓNICAS 18:21

Shina nicpimi, chai espirituca: “Ñuca rishpaca paipac tucui huillaccunapimi, llullashpa huillana yuyaita churasha” nirca. Shina nicpimi, Mandac Diosca: “Canca umai pudinguimi. Can nishca shinata ruhuangapac rilla” nirca.

JOB 1:11

Ashtahuanpish cambac maquihuan tuparishpa, pai ima charishcacunata quichui. Shina ruhuacpica, cantaca cambac ñaupallapitacmi mana alli nishpa rimanga— nirca.

JOB 1:12

Shina nicpi, mandac Diosca Satanastaca: —Riqui, pai imata charishcacunaca cambac maquipimi. Shina cacpipish, ama cambac maquihuan paitaca tuparinguichu— nirca. Shina nicpimi, Satanasca Mandac Diospac ñaupamanta llucshishpa rirca.

JOB 2:5

Ashtahuanpish cunanca cambac maquihuan paipac tullupipish, aichapipish ungüita churai. Shina ruhuacpica, cantaca cambac ñaupallapitacmi mana alli nishpa rimanga— nirca.

JOB 2:7

Shina nicpimi, Satanasca Mandac Diospac ñaupamanta rishpa, Jobtaca chaquimanta uma coronacaman jatun sisu ungüihuan llaquichirca.

SALMOS 65:7

Mama cucha yalli huaj nicuctapish, yacucuna manchanayaita jataricpipish canmi casillata ruhuangui. Llactacunapi causaccuna caparinacucpipish, canmi upallachingui.

SAN LUCAS 12:23

Micunapac randica, causaimi ashtahuan valin. Churanapac randica, cuerpomi ashtahuan valin.

1 CORINTIOS 10:13

Cancunaca pi mana apaipac llaquitaca mana apashcanguichicchu. Diosca cancuna mana apaipac llaquita apachunca, mana munanchu. Ashtahuanpish llaquita apashpapish, chai llaquimanta llucshichunmi ayudanga.

2 CORINTIOS 12:7

Chai muscuipi shina ricushcamanta ñuca mana yalli jatun tucuchunca, ñuca cuerpopi shuc casha tucsic shinami Diosca nanaita churarca. Chai shinami ama yalli jatun tucuchunca, Satanaspish chai nanaillahuantac llaquichicunlla.

APOCALIPSIS 2:10

Cantaca llaquicuna japigricunmi. Shina cacpipish ama manchanguichu. Crishpa catincunatachu imami nishpami, maijan cancunataca diablo carcelpi churanga. Chaipica chunga punzhatami llaquita apanguichic. Shina cacpipish huañungacaman ñucata caticpica huiñai causaita ricuchic coronatami cusha.

APOCALIPSIS 20:7

Huaranga huatacuna pactacpica Satanasca prezumanta cacharishcami canga.