JOB 2:4 - Dios Rimashcata Quillcashcami

⁴ Shina nicpi, Satanasca Mandac Diostaca: —¡Maijan paita mana imata ruhuacpica, cushillami can! Runaca paipac causaimantaca pai tucui charishcatami cunga.

JOB 2:4 ပူးပေါင်းရင်းမြစ်များ

GÉNESIS 47:17

José chashna nicpica, Egipto runacunaca paicunapac caballocunatapish, ovejacunatapish, vacacunatapish, burrocunatapish Joseman curcami. Chashna cucpica, Joseca shuc huatapacmi micunata curca.

GÉNESIS 47:19

¿Imamantatac cambac ñaupapi ñucanchicca huañushun? ¿Imamantatac ñucanchic allpacunapish shitashca saquiringa? Chaimanta ñucanchicman granota cungapac ñucanchictapish, ñucanchic allpacunatapish japilla. Shina japicpica, ñucanchicca Faraonta servishunmi, shinallatac allpacunapish paipacmi canga. Cai allpacuna ama shitashca saquirichun, ñucanchic muyu shina causashpa catingapac micunata carai— nirca.

1 REYES 20:31

Chaimantami paita serviccunaca: «Riqui, israelcunata jatun mandacca yallita llaquic cashcatami uyanchic. Cunanca, sharpa churanata churarishpa, cungapipish huascahuan huatarishpa, Israel llactata jatun mandacpacman chayagrishun. Chaita ricushpaca, cantaca perdonangapishchari» nirca.

JOB 2:3

Shina nicpi, Mandac Diosca Satanastaca: —Ñucata servic Jobca cashcata ruhuac, pi mana juchanchipac, Diostapish manchac, millaita ruhuanamanta anchurishca runa cashcataca, ¿manachu ricushcangui? Cai pachapica pai shinaca pipish mana tiyanchu. Shina causacucpipish llaquichingapac cui nircanguimi. Shina cucpipish, paica cunancamanca ima mana allita manarac ruhuanchu— nirca.

JOB 2:5

Ashtahuanpish cunanca cambac maquihuan paipac tullupipish, aichapipish ungüita churai. Shina ruhuacpica, cantaca cambac ñaupallapitacmi mana alli nishpa rimanga— nirca.

PROVERBIOS 13:8

Charic runaca pai charishcacunahuan maijan huañuchinamantapish quishpiri pudinmi. Ashtahuanpish huaccha runataca pi mana huañuchisha nishpa manchachinchu.

JEREMÍAS 41:8

Chaimantami paicunapuramanta chunga runacuna Ismaeltaca: «Ñucanchicta ama huañuchichu. Ñucanchic allpapica achca trigota, cebadata, aceiteta, abeja mishquitami pacashpa charicunchic» nirca. Chaimantami paicunahuan cac runacunata shina mana huañuchirca.

SAN MATEO 16:26

Maijanpish cai pachapi tucui ima tiyashcata charishpapish, huiñai causaita chingachishpaca, ¿ima allitac cangayari? Pai quishpiringapacca, ¿imatatac cui pudinga?

SAN MATEO 6:25

Chaimantami ñucaca: Ama: “¿Imatatac micushun, imatatac ubiashun, imatatac churarishun?” nishpa, chai yuyailla canguichicchu. Causaimari micunatapish ashtahuan yalli valin. Cuerpomari, churanata ashtahuan yalli valin.

SAN LUCAS 12:23

Micunapac randica, causaimi ashtahuan valin. Churanapac randica, cuerpomi ashtahuan valin.

JOSUÉ 9:24

Shina nicpimi, paicunaca Josuetaca: —Canta servic ñucanchicca canta Mandac Dios paita servic Moisesman huillashpa, tucui llactacunapi causaccunata tucuchishpa, chai llactacunata cancunaman cusha nishcatami allita yacharcanchic. Chaimantami cancuna ñucanchicta huañuchinata yallita manchashpa chashna ruhuarcanchic.