JOB 2:3 - Dios Rimashcata Quillcashcami

³ Shina nicpi, Mandac Diosca Satanastaca: —Ñucata servic Jobca cashcata ruhuac, pi mana juchanchipac, Diostapish manchac, millaita ruhuanamanta anchurishca runa cashcataca, ¿manachu ricushcangui? Cai pachapica pai shinaca pipish mana tiyanchu. Shina causacucpipish llaquichingapac cui nircanguimi. Shina cucpipish, paica cunancamanca ima mana allita manarac ruhuanchu— nirca.

JOB 2:3 ပူးပေါင်းရင်းမြစ်များ

GÉNESIS 6:9

Chai punzhacunapi causaccunapuramantaca Noemi cashcata ruhuac, ima millaita mana ruhuac shinallatac Dios munashca shina causac carca. Noepac huahua huahuacunaca:

2 SAMUEL 20:20

Chashna nicpimi Joabca: —¡Caita ruhuanamantaca Dios huacaichichun! Cai pueblota tucuchina, shinallatac chingachina yuyaica mana tiyanchu.

JOB 1:1

Uz llactapimi Job shuti shuc runa causarca. Paica cashcata ruhuac, pi mana juchanchipac, Diostapish manchac, millaita ruhuanamanta anchurishcami carca.

JOB 1:11

Ashtahuanpish cambac maquihuan tuparishpa, pai ima charishcacunata quichui. Shina ruhuacpica, cantaca cambac ñaupallapitacmi mana alli nishpa rimanga— nirca.

JOB 1:6

Shuc punzhami Diospac huahuacunaca Mandac Diospac ñaupapi ricuringapac shamurcacuna. Shina shamucpimi, Satanaspish paicunahuan shamurca.

JOB 1:8

Shina nicpi, Mandac Diosca Satanastaca: —Ñucata servic Jobca cashcata ruhuac, pi mana juchanchipac, ñucata manchac, millaita ruhuanamanta anchurishca runa cashcataca, ¿manachu ricushcangui? Cai pachapica pai shinaca pipish mana tiyanchu— nirca.

JOB 13:15

Dios ñucata huañuchicpipish, paillapimi shunguta churashpa shuyasha. Ñuca ima shina cashcataca paipac ñaupapimi ricuchisha.

JOB 2:2

Chaipimi Mandac Diosca Satanastaca: —¿Maimantatac shamungui?— nirca. Shina nicpi, Satanasca Mandac Diostaca: —Cai pachata ricushpa, muyushpami shamuni— nirca.

JOB 2:4

Shina nicpi, Satanasca Mandac Diostaca: —¡Maijan paita mana imata ruhuacpica, cushillami can! Runaca paipac causaimantaca pai tucui charishcatami cunga.

JOB 9:17

Paica yallita huaira tamyahuanmi llaquichirca. Ñuca mana faltayuc cacpipish, ñuca chugritaca ashtahuan anchayachirca.

JOB 9:20

Ñuca cashcata ruhuacmi cani nicpipish, ñuca shimillatacmi llaquipi churanga. Ñuca: “mana juchayucchu cani” nicucpipish, paica juchanchingallatacmi.

SALMOS 26:1

Mandac Dioslla, ñucata cashcata ruhuailla. Ñucaca ima pandata mana ruhuashpa causashcanichu. Chashnallatac can Mandac Diospimi shunguta churarcani. Canmantaca mana anchurishachu.

SALMOS 37:37

Ima mana allita ruhuac runataca yuyariyari. Cashcata ruhuac runataca ricuiyari. Sumacta cushilla causac runaca quipatami cushicunga.

SALMOS 41:12

Ñucataca tucui pandarinamantami huacaichishcangui. Tucui causaipimi cambac ñaupapi charirashcangui.

PROVERBIOS 11:8

Cashcata ruhuac runataca jatun llaquimantapish quishpichingami. Ashtahuanpish Diosta mana manchac runataca yalli llaquimi tucuchinga.

PROVERBIOS 13:6

Cashcata ruhuac runataca chai cashcata ruhuashcallatacmi cuidan. Ashtahuanpish juchayuc runataca chai juchallatacmi urmachin.

PROVERBIOS 14:2

Allita ruhuashpa causac runaca Mandac Diostami manchan. Ashtahuanpish mana allita ruhuac runaca mana ricunayachinchu.

PROVERBIOS 15:8

Mandac Diosca paita mana manchaccuna animalta cushpa rupachishcataca millanayachinmi. Ashtahuanpish allita ruhuaccuna mañacpica cushicunmi.

PROVERBIOS 16:17

Allita ruhuashpa causaccunaca mana allimanta anchurinmi. Mana allita ruhuanamanta cuidariccunaca causaitami cuidancuna.

SAN JUAN 9:3

Chaimantami Jesusca: —Mana paipac juchamantachu, shinallatac mana taita mamapac juchamantachu chashnaca tucushca, ashtahuanpish Dios munashcata cai runapi ricuchingapacmi, chashnaca huacharirca.

FILIPENSES 3:12

Ñucaca: «Cai tucui nishcata ña pactachishpa, allimi cani» ninatapish, shinallatac: «Ima pandatapish ña mana ruhuanichu» ninatapish, mana ni pudinichu. Ashtahuanpish Jesucristo acllashcamantaca, japina cashcata japingacaman ricunillami.

SANTIAGO 1:12

Imapish millai munaicuna shamucpi, chaita mishacca mai cushillami can. Chashna mishacmi Dios paita cuyaccunaman cusha nishca causaita cuc coronata japinga.

1 PEDRO 1:7

Curi alli cactaca ninapi rupachishpami ricun. Chai shinallatac cancuna alli crishcata ricungapacca, llaquicunaca japinami can. Shina llaquita apana cacpipish, mana chingaric crishcaca chingariclla curitapish ashtahuan yallimi can. Chai shina llaquichishca cashpapish crinata mana saquishpaca, Jesucristo ricuricpica, sumacyachishca, “allimi cangui” nishcami canguichic.

1 PEDRO 5:10

Ashtahuanpish asha punzhacaman llaquicunata cancuna apashca quipaca, Diosllatacmi pi mana juchanchipacta, alli sinchiyachishpa, alli caticta, pi mana cuyuchipacta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun cuyaimanta huiñaita sumacyachishca cachun acllarca.