JOB 2:10 - Dios Rimashcata Quillcashcami

¹⁰ Shina nicpimi Jobca: —¡Canca maijan yuyai illac huarmi shinami rimaringui! Diosmantami allicunata japishcanchic. ¿Manachu ima llaquicunatapish japina canchic?— nirca. Chai tucui llaquicuna japicpipish, Jobca paipac shimihuan millaita rimashpaca mana juchallircachu.

JOB 2:10 ပူးပေါင်းရင်းမြစ်များ

GÉNESIS 3:17

Cutin Adantaca: —Ñuca: “Cai yuramanta ama micunguichu” nishca jahua, cambac huarmi nishcata uyashpa, micushcamantami cai allpaca mana alli nishca canga. Tucui causaipimi llaquita trabajashpa, granota pucuchishpa causangui.

2 SAMUEL 13:13

¿Chashna millaita ruhuashca jatun pingaihuanca maimantac rishayari? Cantapish israelcunapurapica, jatun millaita ruhuacmi ningacunami. Chaimanta canllatac jatun mandac-huan parlagri. Jatun mandacca canhuan cazarachun mana jarcangachu— nirca.

2 SAMUEL 19:22

Shina nicpimi Davidca: —Sarviapac huahualla, ¿ima nishpatac ñucataca piñanacuipi churashun ninguichicyari? ¿Cancunataca imatatac ruhuashcaniyari? Israelcunata jatun mandacmi cani. Israelpuramantaca shucllapish mana huañungachu— nirca.

2 SAMUEL 19:28

Ñuca taitapac huasi ucupuraca tucuimi can jatun mandacpac ñaupapi huañuna carca. Shina cashpapish ñucata mana huañuchishpa, canta servic ñucataca cambac cayashcacunahuan micuchun mizapi churarcangui. Cunanca, can jatun mandacman imata ashtahuan mañanatapish mana pudinichu— nirca.

2 SAMUEL 24:10

Chai gentecunata David yupachishpaca, mana allita ruhuashcatami paipac shungupimi sintirca. Chaimantami Davidca Mandac Diostaca: —Caita ruhuashpaca yallitami juchallishcani. Caitaca yuyai illac shinami ruhuashcani. Cunanca, Mandac Diosllatac canta servic ñucamanta cai juchata anchuchiyari— nirca.

2 CRÓNICAS 16:9

Mandac Diosca alli shunguhuan allita ruhuashpa, paita cazuccunaman tucui imatapish ruhuashpa ayudangapacmi tucui cai pachata ricucun. Canca mana yuyaita charic shinami ruhuashcangui. Chashna ruhuashcamantaca cunanmanta pachami ashtahuan canhuan macanacungapac shamungacuna» nirca.

JOB 1:10

¿Manachu canllatac paitapish, paipac huasi ucupuratapish, tucui imata pai charishcacunatapish cuidacungui? Paipac maquihuan imata ruhuacpipish yallitami bendiciangui. Chaimantami pai charishcacunaca cai llactapica yallita mirarishca.

JOB 2:9

Chashna cacpimi, paipac huarmica: —¿Cunancamanchu Diosta cazushpa catingui? ¡Diosta mana alli nishpa rimashpa huañui!— nirca.

SALMOS 39:1

Ñucaca: «Ñuca calluhuan mana juchallingapacmi alli yuyaihuan causasha. Diosta mana cazuccunapac ñaupapica shimipi frenota churac shinami millaita rimanamanta jarcarisha» nircani.

SALMOS 39:10

Can churashca ungüitaca ñucamanta anchuchiyari. Cambac maquihuan llaquichicucpimi ñucaca tucuricuni.

SALMOS 39:9

Canllatac ñucata llaquichishcamantami mana rimashpa upalla saquirini.

SALMOS 59:12

Paicunapac shimihuan juchallishcamanta, paicunapac shimihuan llaquichishcamanta, paicuna jatun tucushpa rimashcamanta, llaqui tucuchun nishcamanta, llullashpa rimashcamantaca prezushca cachun.

PROVERBIOS 9:13

Yuyai illac huarmica imatapish rimaric, mana yachac, pingaita mana charic huarmimi.

PROVERBIOS 9:6

Yuyai illac causaita saquishpaca causanguichicmi. Alli yuyaihuan purina ñanpi purichi» nircami.

ECLESIASTÉS 7:14

Alli punzha cacpica, chai punzhamanta cushicui. Cutin mana alli punzha cacpica, Dios chai ishcai punzhacunatatac ruhuashcata yuyari. Chaica runa paipac quipa ima tucunata ama yachachunmi, chashnaca churarca.

LAMENTACIONES 3:37

Mandac Dios mana mandacpica, ¿pitac imata huillanga?

SAN MATEO 16:23

Chashna nicpi, Jesús Pedrota rimashpaca: —¡Satanás caimanta anchuri! Canca, Dios munashcata ñuca ama ruhuachunmi jarcasha ningui. Canca, Dios imata ruhuasha nishcataca mana yachanguichu, ashtahuanpish gentecuna yuyashcallatami yuyangui— nirca.

SAN MATEO 25:2

Paicunamanta pichcacunaca allichirishca, alli yuyaiyucmi carca. Cutin caishuc pichcacunaca mana allichirishca, mana alli yuyaiyucchu carca.

SAN JUAN 18:11

Chaimantami Jesusca Pedrotaca: —Espadata maipi charicushcallapitac huacaichi. Ñuca Taita cushca cai jayac ubiana shina llaquitaca ¿manachu apana cani?— nirca.

ROMANOS 12:12

Apunchic Jesusta shuyacushpaca, cushicushpa causaichic. Apunchic Jesusmanta llaquita apacushpaca, ama piñarichicchu. Diosta mañanataca ama saquichicchu.

SANTIAGO 1:12

Imapish millai munaicuna shamucpi, chaita mishacca mai cushillami can. Chashna mishacmi Dios paita cuyaccunaman cusha nishca causaita cuc coronata japinga.

SANTIAGO 3:2

Tucuimi tauca cutin imapipish pandarinchic. Maijan imata rimashpa mana pandaricca, mana juchanchipac alli runami. Chashnaca, paipac cuerpotapish ima mana allimantaca jarcarinmi.

1 SAMUEL 3:18

Shina nicpimi, Samuel imatapish mana pacashpa tucui huillarca. Chaita uyashpami Elica: —¡Paica Mandac Diosmi! Paiman ima alli cacpica, chashnallatac ruhuachunlla— nirca.