JOB 19:5 - Dios Rimashcata Quillcashcami

⁵ Ashtahuanpish cancunaca jatun tucushpami rimanguichic. Ñucata piñashpami rimaringuichic.

JOB 19:5 ပူးပေါင်းရင်းမြစ်များ

NEHEMÍAS 1:3

Paicunaca: «Prezu apacucpi miticushpa, chai llactallapitac saquirishca runacunaca llaquitami pingaihuan cancuna. Jerusalén muyundi pircaca urmachishcami, pueblo pungucunapish rupashcami» nircacuna.

JOB 19:4

Ñuca mana allita ruhuashpa pandarishca cacpipish, ñucami llaquichishca casha.

SALMOS 35:26

Ñuca llaquihuan cacpi, cushicuccunaca pingaichishca, muspachishca cachun. Ñucata piñashpa jatun tucuccunaca pinganayaipac churanata churarishca shina musparichun.

SALMOS 38:16

Ñucaca: «Ama ñucamanta cushicuchuncuna. Ñuca urmacta ricushpa ama jatun tucuchuncuna» nircanimi.

SALMOS 41:11

Ñucata piñaccuna cushicuchunca amatac saquinguichu. Chashna ruhuacpimi, ñuca canhuan alli causacushcata yachasha.

SALMOS 55:12

Ñucata piñac runa ñucata llaquichishca cacpica, llaquita apaimanllami carcani. Ñucata mana ricunayachic llaquichingapac jatarishca cacpica, miticuimanllami carcani.

SALMOS 55:13

Ashtahuanpish can, ñuca shinallatac cac, ñucahuan puricllatac, ñucahuan alli apanacucllatac llaquichingapac jatarishcangui.

ISAÍAS 4:1

Chai punzhacunapi shuclla carita canchis huarmicuna quichunacushpaca: «Ñucanchicllatacmi micunatapish, churanatapish mashcashun. Ama pingaichishca cangapac ñucanchic-huan cazarashpa, cambac shutita cui» ningacunami.

MIQUEAS 7:8

Ñucata piñaclla, ñucamanta ama cushicuichu. Ñucaca urmashpapish jatarishallami. Ñuca pura tutapi causacucpica, Mandac Diosmi achicyachinga.

SOFONÍAS 2:10

Paicunallatac jatun tucushpa tucuita Mandac Diospac acllashcacunata rimashcamantami llaqui tucunga.

ZACARÍAS 12:7

Mandac Dios ñucaca Davidpac huasi ucupuracunapish, Jerusalenpi causaccunapish ama Judá aillupac ñaupapi jatun tucuchunmi Judá aillupac carpa huasicunatarac quishpichisha.

SAN LUCAS 1:25

«Ñuca mana huahuayuc cashcamanta pipacpish ama pingaichishca cachunmi, Diosca ñucata chashna ruhuashca» nishpami yuyacurca.

SAN JUAN 9:2

Yachacuccuna Jesustaca: —Yachachic, cai runa ñahui mana ricuc huacharichunca, ¿taita mamachu juchallirca? ¿Mana cashpaca paipac juchallamantachu chashna tucushca canga?— nirca.

SAN JUAN 9:34

Shina nicpimi paicunaca: —Canca juchasapami huacharircangui. ¿Chashna cashca jahuachu ñucanchicta yachachisha ningui?— nirca. Chashna nishpami, paitaca tandanacuna huasimanta llucchishpa cacharca.

1 SAMUEL 1:6

Mandac Diosllatac Ana huahuata mana charichun saquishcamantami paita piñac huarmica yallita rimashpa llaquichic carca.