JOB 19:23 - Dios Rimashcata Quillcashcami

²³ ¡Cunanca ñuca rimashcacunata maijanpish quillcashpachari alli canman! ¡Chai shimicunata shuc libropi quillcashpachari alli canman!

JOB 19:23 ပူးပေါင်းရင်းမြစ်များ

JOB 19:24

¡Fierro cincelhuan, plomadahuan sinchi rumipi huiñaipac quillcashpachari alli canman!

JOB 31:35

¡Ñuca mañashcata maijan uyashpachari alli canman! ¡Tucuita ruhuac Dios ñuca mañashcata cutichichun! ¡Ñucata piñacca quillcashpa ñucata juchanchichun! nishpami ñuca shutitaca quillcani.

ISAÍAS 30:8

Cunanca, muscuipi shina ñuca ricuchishcataca paicunapac ñaupapi, shuc tablapi quillcagri. Chashna quillcacpimi, huiñai huiñaipac tiyanga.

ISAÍAS 8:1

Mandac Diosca: «Shuc jatun tablata japishpa, Maher-salal-has-baz nishca shimicunata rezanallata quillcai» nirca.

JEREMÍAS 36:2

«Quillcana carata japishpa, chaipi Josías causacui punzhacunamanta cunan punzhacaman israelcunata, Judá llactapi causaccunata, shuctac llactapi causaccunata ima shina llaquichinata tucui quillcai.