JOB 18:4 - Dios Rimashcata Quillcashcami

⁴ ¡Yallita piñarishpa tucuricuc runalla! ¿Canllamantachu llactaca shitashca saquiringa? ¿Rumi quingraicunapish tiyacushca pushtumantaca cuyuchishcachu canga?

JOB 18:4 ပူးပေါင်းရင်းမြစ်များ

JOB 13:14

¿Imamantatac ñuca aichataca ñuca quirucunallahuantac pitishayari? ¿Imapactac ñuca causaitaca huañuna patapi churashayari?

JOB 14:18

Shina cacpipish, urcu tuñiric shina, quingraimanta rumicuna cuyuric shina,

JOB 16:9

Pai yallita piñarishpami ñucataca pitinacuc shina ruhuashca. Quirucunapish canirishpami ñucataca piñarca. Ñucata piñac runaca nanachic shinami ricucurca.

JOB 18:3

¿Ima nishpatac ñucanchictaca animal shina cashcata yuyangui? ¿Ima nishpatac ñucanchictaca yuyai illac cashcata yuyangui?

JOB 18:5

Diosta mana manchaccunapac achicyachic lamparaca huañuchishcami canga. Chai ninapish ashtahuan llamataca mana cungachu.

JOB 40:8

¿Ñuca nishcataca yangatachu ruhuasha ningui? ¿Canca jucha illacmi cani nishpachu, ñucatarac juchanchisha ningui?

JOB 5:2

Yuyai illac runataca piñarina yuyai, shuccuna charishcata munana yuyaimi huañuchicun.

ISAÍAS 54:10

Urcucuna cuyuricpipish, lomacuna chucchucpipish cantaca cuyacushallami. “Canman cushi causaita cushami” nishpa, ari nishcataca pactachishatacmi» ninmi. Chaitaca, canta llaquic Mandac Dios ñucami nini.

EZEQUIEL 9:9

Shina mañacpimi paica: «Israelcunapish, Judá llactapi causaccunapish yallitami millaita ruhuashcacuna. Cai llactapica huañuchiccunami yalli tiyan, cai pueblopi causaccunaca millaita ruhuana yuyaillami. Paicunaca: “Mandac Diosca ñucanchicmanta anchurishcami, paica mana ricucunchu” nincunami.

JONÁS 4:9

Shina nicpimi, Mandac Diosca: —¿Chai higuera yura chaquishcamantachu yallita piñaringui?— nirca. Shina nicpimi Jonasca: —¡Ari, huañungacamanmi piñarini!— nirca.

SAN MATEO 24:35

Jahua pachapish, cai pachapish tucuringami. Ashtahuanpish ñuca huillashcaca pactacungallami.

MARCOS 9:18

Chai supaimi maipipish japishpa urmachinlla. Quiru canirishpa, shimiman puscuta shitashpami, mana cuyurishpa siricunlla. Cambac yachacuccunamanpish supaita llucchichun mañarcani. Paicunaca supaita mana llucchi pudircachu— nirca.

SAN LUCAS 9:39

Paitaca supai japishpami, yuyaita chingachishpa caparichicun. Shimiman puscuta shitachishpami, llaquinayaita punzhanta chucchuchicun.