JOB 18:18 - Dios Rimashcata Quillcashcami

¹⁸ Achicyachicmanta llucchishpa, amsapi shitashcami canga. Cai pachamantapish llucchishpa, cachashcami canga.

JOB 18:18 ပူးပေါင်းရင်းမြစ်များ

JOB 10:22

Yallita pura tuta, imapish mana alli llactaman, Chaipi tiyac achicpish, manchana amsa tuta shinallatac llactaman amarac cachaichu” ninmi» nirca.

JOB 11:14

Cambac maquihuan mana allita ruhuashca cashpaca saquingui. Cambac huasipi ima mana alli tiyachunca, ama saquinguichu.

JOB 18:11

Tucui ladomantami llaquicuna shamushpa manchachinga. Chaqui talonpi saruc shinami yallita manchachishpa catinga.

JOB 20:26

Paipac charishcacunata tucuchingapacca manchana amsami huacaichishca tiyacun. Manapish pucuna ninami paitapish, paipac huasipi tiyaccunatapish tucuchinga.

JOB 20:8

Muscushca shinallami tucuringa. Paitaca mana taringachu. Muscuipi ricushca shinallami chingaringa.

JOB 27:21

Jatun acapana huaira shamushpami pai tiyacushcamanta apanga. Inti llucshina ladomanta huaira shamushpami, jatarichishpa apanga.

JOB 27:23

Maquita huactashpa cushicuc shinami huairaca llaquichinga. Silbashpa burlac shinami pai tiyacushcamanta apanga.

JOB 3:20

¿Ima nishpatac llaquihuan causaccuna achicta ricuchunca saquinyari? ¿Ima nishpatac shungu nanarishcamanca causaita cunyari?

JOB 5:14

Paicunaca punzha pachami purapi shina huactarincuna. Chaupi punzhapimi tutapi shina mitcarishpa purincuna.

PROVERBIOS 14:32

Diosta mana manchacca pai millaita ruhuashcamantami chingaringa. Ashtahuanpish cashcata ruhuacca huañugricushpapish cuidashcami canga.

ISAÍAS 22:18

Pelotata shitac shinami caruta cachanga. Can chaipi huañucpimi, can sumacta purina carretacunapish tucuringa. Cambac amopac huasitapish pingaichinguimi.

DANIEL 4:33

Chai horasllatacmi Nabucodonosor ima tucunaca pactarca. Chashnami gentecunapuramanta llucshi rishpa, huagracuna micuna quihuata micushpa causarca. Paipac cuerpotaca jahua pachamanta tamya urmashpami jucuchirca. Shinallatac paipac acchaca águila pluma shina, cutin shillucunaca volac animalcunapac shillu shinami huiñarca.

DANIEL 5:21

Chaimantami gentecunapuramanta anchuchishca carca. Animalcuna shina yuyashpami, sacha burrocunahuan causarca. Huagraman shinami quihuata cararca. Paipac cuerpotaca jahua pachamanta tamya urmashpami jucuchirca. Runacuna mandana llactata jahua pacha Dios Mandac cashcata, shinallatac cai pacha mandanata maijanman cusha nishpaca cuc cashcata yachangacamanmi chashna causanga.

SAN JUDAS 1:13

Paicunapac pinganayaita mana allita ruhuashcacunaca, mama cuchata huaira caiman chaiman shitacpi, puscuta shitashca shinami can. Lucerocuna ñanta chingachishca shinami cancuna. Paicunamanca yallita amsa pachami huiñaicaman huacaichishca tiyacun.

1 SAMUEL 2:9

Paimi paihuan causaccunataca maita purinapipish huacaichin. Ashtahuanpish paita mana manchaccunaca pura tutapimi chingaricun. Pipish paipac fuerzallahuanca imatapish mana ruhuai pudingachu.