JOB 18:17 - Dios Rimashcata Quillcashcami

¹⁷ Paica cai pachapica chingarishcami canga. Paipac shutipish cai llactapica cungarishcami canga.

JOB 18:17 ပူးပေါင်းရင်းမြစ်များ

JOB 13:12

Cancunapac yuyaita japina parlocunaca uchupa shina yangallami. Cancunapac jarcarishpa rimashcacunaca allpamanta ruhuashca shinami.

JOB 24:20

Paicunataca mamapish cungaringami. Curucunami paitaca mishquilliringa. Jaicapi mana yuyaringacunachu. Pitishca yura shinami mana cazuccunaca tucuringa.

SALMOS 109:13

Paipac huahua huahuacunapish tucui tucuchishca cachun.

SALMOS 109:15

Chai juchacunaca tucui causaipi Mandac Diospac ñaupapi ricurichun. Cai pachapi ama ashtahuan yuyarichunca Diosllatac tucuchichun.

SALMOS 34:16

Mandac Diosca millaita ruhuaccunataca piñanmi. Paicunapac shuticunata pipish ama yuyarichunmi cai pachamanta chingachin.

SALMOS 41:5

Ñucata piñaccunaca: «Cai runaca, ¿ima horastac huañushpa, chingaringayari?» nincunami.

SALMOS 83:4

Paicunaca: «Paicunapac llactapish, Israel shutipish ama ashtahuan tiyachun shamuichic tucuchingapac» nincunami.

SALMOS 9:6

Ñucata piñaccunaca huiñaitami chingarishca. Pueblocunatapish tucuitami urmachircangui. Chai pueblocunapica yuyaringapacllapish imata mana saquircanguichu.

PROVERBIOS 10:7

Cashcata ruhuac runapac shutica yuyarishcami canga, ashtahuanpish Diosta mana manchaccunapac shutica ismuc shinami chingaringa.

PROVERBIOS 2:22

Ashtahuanpish Diosta mana manchaccunaca allpamanta anchuchishcami canga. Yachashpapish mana cazuccunaca chai allpamanta llucchishcami cangacuna.

ISAÍAS 14:20

Canca, cambac llactapi causaccunallatatac tucuchishcamanta, cambac gentecunallatatac huañuchishcamantaca mana caishuc jatun mandaccunahuan pacta enterraringuichu. Mana allita ruhuaccunapac huahua huahuacunataca manatac yuyarishcachu canga.

ISAÍAS 26:14

Paicunaca huañushcami, ña mana causaringachu. Mana jataringachu. Paicunataca yallita llaquichishpami tucuchircangui. Paicunataca pi mana yuyaringachu.

NAHÚM 1:14

Nínive llactalla, Mandac Dios mandashpaca: “Cambac shutita jaicapi ama yuyarishca cachun. Cambac diospac huasipi tiyac dioscunatapish imaman riccha dioscunatapish ñutuchishami. Can imapac mana valic cashcamantami chaillapitac enterrana jutcuta ruhuasha” ninmi.