JOB 18:16 - Dios Rimashcata Quillcashcami

¹⁶ Allpa ucupi sapicuna chaquic shinami, jahuamanca ramacuna pitic shinami canga.

JOB 18:16 ပူးပေါင်းရင်းမြစ်များ

JOB 15:30

Manchana amsamantapish mana quishpiringachu. Ninami paipac ramacunataca chaquichinga. Dios paipac shimihuan pucucpimi huañunga.

JOB 15:32

Paica huañuna punzha manarac chayacpimi huañunga. Paipac retoñocunapish mana verdiyangachu.

JOB 29:19

Ñuca sapica yacu cuchupi tiyac yura shinami carca. Ramacunapica achca shulla tiyaric shinami carca.

JOB 8:17

Sapicunapish rumi jahuatami caita chaita ahuarishpa ricun. Rumi allpaman chayashpami sapiyashpa saquirin.

ISAÍAS 14:20

Canca, cambac llactapi causaccunallatatac tucuchishcamanta, cambac gentecunallatatac huañuchishcamantaca mana caishuc jatun mandaccunahuan pacta enterraringuichu. Mana allita ruhuaccunapac huahua huahuacunataca manatac yuyarishcachu canga.

ISAÍAS 5:24

Chaimantami paicunataca nina japirishpa, ucsha, rastrojo shina rupashpa tucuringa. Chashnami sapi ismushca yura shina canga. Sumac sisacuna shina cashpapish, ñuto allpata huaira apashca shinami canga. Chaica paicunallatac tucuita Mandac Dios mandashcata piñashpa, israelcunapac jucha illac Diospac shimita millanayachishcamantami chashnaca tucunga.

OSEAS 9:16

Efraín ailluca ungushca yura shinami, sapi chaquishca. Chaimantami ima granopish mana pucunga. Huahuacunata charicpipish, chai cuyashca huahuacunataca ñucami huañuchisha» ninmi.

AMÓS 2:9

Ñucami amorreocunataca paicunapac ñaupapi tucuchircani. Paicunaca cedro yura shina jatun, encina yura shina sinchimi carca. Shuc yurata pucushcandi, sapindi tucuchic shinami, paicunataca tucuchircani.

MALAQUÍAS 4:1

Mandac Diosca: «Rupacuc horno shina punzhami ña chayamucun. Chai punzhapica jatun tucushpa puriccunapish, mana allita ruhuaccunapish chaquishca ucsha shinami rupanga. Chai rupacuc punzha chayamushpami rupachishpa, sapillatapish, shuc ramallatapish mana saquishpa rupachinga.