JOB 18:11 - Dios Rimashcata Quillcashcami

¹¹ Tucui ladomantami llaquicuna shamushpa manchachinga. Chaqui talonpi saruc shinami yallita manchachishpa catinga.

JOB 18:11 ပူးပေါင်းရင်းမြစ်များ

JOB 15:21

Paipac ringripica manchana culun nishcami uyarin. Cushilla causacucpimi, tucuchic runa shamushpa tucuchinga.

JOB 18:10

Paita urmachingapacmi huascaca pambapi pacalla tiyacun. Paita japina tucllapish pai purina pushtupimi tiyacun.

JOB 18:18

Achicyachicmanta llucchishpa, amsapi shitashcami canga. Cai pachamantapish llucchishpa, cachashcami canga.

JOB 20:25

Paipac cuerpo huashamanmi flechaca llucshinga. Jagan nicun flechami paipac hieltaca chaupishpa pasanga. Jatun manchaimi paitaca japinga.

JOB 20:8

Muscushca shinallami tucuringa. Paitaca mana taringachu. Muscuipi ricushca shinallami chingaringa.

JOB 22:10

Chaimantami cambac muyundipi llaquichiccunaca tiyan. Cungailla llaquicuna japishpami manchachinga.

JOB 27:20

Manchana yacu shinami jatun manchaica japinga. Manchaipac tamya huaira tuta shamushpami tucuchinga.

JOB 6:4

Tucuita ruhuac Diospac flechacunami ñucapi yaicushca. Chai flecha venenotami ñuca almaca ubiashca. Diospac jatun manchaimi ñucahuan macanacucun.

SALMOS 53:5

Chai gentecunaca Dios paita piñaccunapac tullucunata chirapashcamantami mana pi manchachicucpipish yallita manchaihuan chucchuncuna. Dios shitashcamantami canca pingaichircangui.

SALMOS 73:19

¡Cungaillami llaquica japinga! Yallita mancharishpami tucuringacuna.

PROVERBIOS 28:1

Diosta mana manchac runaca pipish mana caticucpimi miticushpa callpan. Ashtahuanpish cashcata ruhuac runaca león shinami imatapish mana manchan.

ISAÍAS 28:19

Chai llaquicunami tucui tutamantacuna, chishicuna, tucui punzhacuna pasanga. Chai shamucta uyashpallami manchashpa urmanguichic.

JEREMÍAS 46:5

¿Ima nishpatac mancharishpa, huashaiman cuticunguichic? Egipto sinchi soldadocunaca manchaihuanmi mana tigra ricushpa, miticungapac callpan. Tucui ladopimi manchai tiyan.

JEREMÍAS 49:29

Paicunapac carpa huasicunatapish, ovejacunatapish quichungacunami. Paicuna jarcarina lienzocunatapish, tucui charishcacunatapish, camellocunatapish quichushpa japingacunami. Chashna quichucpimi paicunaca: “¡Tucui muyundipimi manchai tiyan!” nishpa caparinga.

JEREMÍAS 6:25

Paicunaca espadahuanmi chapacun. Tucui llactapimi manchai tiyan. Chaimanta pambamanpish, ñanmanpish ama llucshinguichicchu” nirca.

DANIEL 5:9

Chaimantami jatun mandac Belsasarca yallita llaquirishpa ñahuipish irquiyarca. Pai churashca mandaccunapish llaquilla tucushpami, imata mana ruhuai pudirca.

LEVÍTICO 26:36

Cancunapuramanta saquiriccunaca piñaccunapac llactapimi causanga. Paicunapac shungupi ñuca manchaita churacpimi, shuc yurapi panga huairahuan cuyuricllapipish manchaihuan callpanga. Espadahuan huañuchingapac caticucpi shinami, manapish pi caticucpi, callpashpa urmanga.

2 CORINTIOS 5:11

Apunchic Jesustaca manchana cashcata yachashpami, gentecuna Dios-huan alli tucuchun nishpa huillacunchic. Ñucanchic ima shina cashcataca Diosca allimi yachan. Chaitaca cancunapish yachachunmi munani.

1 SAMUEL 28:5

Filisteocuna carpa huasicunata shayachishpa, tiyaricta ricushpami, Saulca yallita mancharishpa, paipac shungupi yalli llaquirirca.