JOB 17:6 - Dios Rimashcata Quillcashcami

⁶ Paimi ñucataca yuyaita japina rimaicunahuan tucuipac rimanata ruhuashca. Ñucataca tucuimi ñahuipi tucancuna.

JOB 17:6 ပူးပေါင်းရင်းမြစ်များ

GÉNESIS 31:27

¿Ima nishpatac mana huillashpa, miticushpa llucshishpa ñucataca umarcangui? Ñucaca can llucshigricushcata yachashpaca, cushicushpa tamboracunahuan, arpacunahuan caya minchacaman nimanmi carcani.

1 REYES 9:7

ñucami israelcunataca paicuna causachun ñuca cushca llactamanta llucchishpa cachasha. Shinallatac ñuca shutipi mañana ñucapac cachun chicanyachishca cai huasitapish ñuca ñaupamanta anchuchishami. Chashna ruhuacpimi, israelcunataca shuc llactacunapi causaccunaca parlanacushpa asingacuna.

JOB 12:4

Ñucaca ñuca ricsishcacunapac burlashpa asinami tucushcani. Diosta mañacpica paica uyarcami. Imatapish cashcata ruhuac runatapish, mana allita ruhuac runatapish, burlashpami asincuna.

JOB 17:2

Ñucata asiccunallami muyushpa shayacuncuna. Ñuca ñahuica paicuna llaquichishcallatacmi ricucun.

JOB 30:10

Ñucata millashpami ñahuipi tucashpa caruyancuna.

JOB 30:9

Cunanca paicunapac burlashca, asishpa imacunata rimanami tucushcani.

SALMOS 44:14

Shuctac llactacunapi causaccuna burlachunmi, chai llacta chaupipi saquingui. Ñucanchicta ricuccunaca umata cuyuchishpami asincuna.

SALMOS 44:15

Punzhantami llaquihuanca huañucuni. Ñucaca pingaipimi pucayacuni.

SALMOS 69:11

Sharpa churanata churarishca cacpimi, ñucata burlashpa rimarcacuna.

ISAÍAS 5:12

Jatun micuita ruhuashpa, vinota ubiashpa, arpacunapi, salteriocunapi, tamborcunapi, flautacunapi tocashpami, Mandac Dios ruhuashcataca mana ricuncuna, mana yuyarincuna.

NÚMEROS 12:14

Shina mañacpimi, Mandac Diosca Moisestaca: «Paipac taita ñahuipi tocacpica, ¿manachu canchis punzhacaman pingaihuan canga? Chaimanta canchis punzhacaman carpa huasicunamanta llucshishpa cachai. Chai quipami israelcunahuan cutin tandanacunga» nirca.