JOB 16:18 - Dios Rimashcata Quillcashcami

¹⁸ ¡Allpalla, ñuca yahuartaca ama tapaichu! ¡Can tapacpica, ñuca caparinapish illangami!

JOB 16:18 ပူးပေါင်းရင်းမြစ်များ

GÉNESIS 4:11

Cunanca, canca cambac huauquita huañuchishpa, pambapi yahuarta jichashcamantaca mana alli nishcami cangui. Cai allpami shimita pascac shina, cambac huauquipac yahuartaca chasquirca. Chaimantami cai allpamanta llucchishpa cachashca cangui.

NEHEMÍAS 4:5

Paicuna pircata shayachiccunata piñashcamantaca, paicuna mana allita ruhuashcatapish, juchallishcatapish ama cungaringuichu» nishpami mañarcani.

JOB 16:17

Chashnami ñuca maquihuan, ima mana allita ruhuashca cashpapish, alli shunguhuan paita mañac cashpapish, cashna llaquihuan causacuni.

JOB 16:19

Ñucamanta huillacpish, ñucamanta rimacpish jahua pachapimi can.

JOB 27:9

¿Paita jatun llaqui japicpi, Diosta mañashpa caparicpica uyangachu?

SALMOS 119:169

Mandac Dioslla, ñuca caparishpa mañashcaca cambac ñaupaman chayashca cachun. Can rimashca shina alli yuyaicunata cuiyari.

ISAÍAS 1:15

¡Cancunapac maquica huañuchishca yahuarllami! Chaimantami cancuna maquita alzashpa mañacpica, ñuca ñahuita pacasha. Yallita mañacucpipish manatac uyashachu.

ISAÍAS 26:21

Riquichic, Mandac Diosca cai pachapi causaccuna paita piñashpa, mana allita ruhuashcamantami llaquichingapac jatarigrin. Allpapish paipac jahuapi huañuchishpa, yahuarta jichashcata ricuchingami. Paipac jahuapi huañuchishcataca mana ashtahuan pacangachu» nirca.

JEREMÍAS 22:29

¡Cai pacha llactacuna, Mandac Dios rimashcata uyaichicyari!» ninmi.

EZEQUIEL 24:7

Cai llactaca yahuarpi cahuirishcami. Chai yahuarta allpa tapachunpish mana allpapi tallircachu, ashtahuanpish llambuclla rumi jahuapimi tallishca.