JOB 16:16 - Dios Rimashcata Quillcashcami

¹⁶ Ñuca yallita huacacpimi ñahuica punguillishca. Ñuca ñahuipish amsayashpa ña mana ricunchu.

JOB 16:16 ပူးပေါင်းရင်းမြစ်များ

JOB 16:20

Ñucamanta rimaccunaca ñuca ricsishcacunallatacmi. Ashtahuanpish Diospac ñaupapimi huiquita urmachishpa mañasha.

JOB 17:7

Ñuca ñahuicunaca yallita llaquihuan cashpami amsayashca. Tucui ñuca cuerpoca llandu shinallami.

JOB 24:17

Paicunamanca achic punzhaca pura tuta shinami. Paicunata pi ricsinataca, huañuchic amsata shinami manchancuna.

SALMOS 102:9

Chaimantami tandata shina uchupata micurcani. Ñuca ubianataca huiquihuanmi chapuni.

SALMOS 116:3

Huañui llaquicunami pilluc shina japirca. Seolman rina llaquicunami ñucataca japirca. Llaquihuanpish, nanaihuanpish carcanimi.

SALMOS 31:9

Mandac Dioslla, llaquihuanmi cani, ñucata llaquiyari. Chashna llaquihuanmi ñuca ñahuicunapish, ñuca almapish, cuerpopish irquiyashca.

SALMOS 32:3

Ñuca juchacunata Diosman mana huillashpa yallita llaquiricpica, punzhantami ñuca tullucunaca maucayashpa catirca.

SALMOS 69:3

Cunga nanangacaman caparishpami, yallita shaicushcapish cani. Ñuca Diosta shuyacucllapimi ñahuipish amsayan.

ISAÍAS 52:14

Paita ricushpaca taucacunami ñahui shuclaya tucushpa, mana runapac ñahuilaya cacpi mancharirca.

LAMENTACIONES 1:16

Chaimantami ñucaca huacacuni. Ñuca shunguta causachic shina, cushichicca pipish mana tiyanchu. Chaimantami ñuca ñahuitaca huiqui tapashcalla. Ñucata piñaccuna, ñucata atishcamantami ñuca huahuacunapish shitashca saquirirca.

MARCOS 14:34

Chaimantami: —Ñuca shungupica huañuna nanaihuan shinami, yallita llaquiricuni. Cancunaca ama sueñushpa, caillapi chaparacunguichic— nirca.