JOB 15:5 - Dios Rimashcata Quillcashcami

⁵ Cambac shimillatacmi can mana alli cashcataca huillacun. Canca yachac tucushcacunapac rimaitami acllashcangui.

JOB 15:5 ပူးပေါင်းရင်းမြစ်များ

JOB 11:6

Paimi pi mana yachashca, yachaicunata yachachinga. Chaicunaca ima charishcacunata yalli valic cactami ricuchin. Chashnami can mana allita ruhuashcamantaca, Diosca ashallata llaquichicushcata yachangui.

JOB 12:6

Shuhuaccunapac huasipica tucuimi alli can. Diosta piñaccunapish, imatapish mana manchashpami cushicushpa causancuna. Diosllatac cucpi paicuna ima charishcapi shunguta churashpami causancuna.

JOB 15:4

Diosta manchanatapish yangalla cashcatami ruhuangui. Diospac ñaupapi mañanatapish mana valichinguichu.

JOB 22:5

Ashtahuanpish can millaita ruhuashcacunaca yallita achcami. Can mana allita ruhuashcacunaca mana tucuripacmi.

JOB 32:1

Job cashcata ruhuac cashcamantami chai quimsa runacunaca Job rimashcataca mana cutichi pudircacuna.

JOB 32:2

Chaimantami Buz llactamanta Rampac familiapura Beraquielpac churi Eliuca Jobhuan sinchita piñarirca. Diosmi cashcata ruhuac ninapac randica pai cashcata ruhuacmi cani nishcamantami chashnaca piñarirca.

JOB 5:12

Millaita ruhuangapac yuyaita chariccunataca paicunapac maquihuan ama imata ruhuachunmi pandachin.

JOB 5:13

Jatun yachaccunataca paicunapac yachashcallapitacmi urmachin. Millaita ruhuaccunataca paicuna yuyarishcatami pandachin.

SALMOS 64:3

Paicunapac callucunataca filo espadata shinami allichincuna. Arcota shitac shinami jayac shimicunata parlancuna.

JEREMÍAS 9:8

Paicunapac calluca huañuchic flecha shinami. Chashnami llullashpalla causan. Ricsishcacunahuanca nic tucushpallami, cushilla parlan. Ashtahuanpish shungupica pacalla llaquichinatami yuyaricun.

SAN LUCAS 6:45

Alli runaca, shungupi alli yuyaiyuc cashcamantami allita riman. Mana alli runaca shungupi millai yuyai junda cashcamantami mana allita riman. Shungupi ima tiyashcatami shimica riman.

SANTIAGO 1:26

Maijanpish “ñucaca Diosta alli cricmi cani” nishpapish, paipac calluta mana jarcaricca paillatacmi pandaricun. Pai “alli cricmi cani” nishcaca, yangallami can.