JOB 14:5 - Dios Rimashcata Quillcashcami

⁵ Paipac causaica asha punzhacamanllami. Pai causana quillacunapish cambac maquipimi. Canmi ima punzhacaman causanataca churashcangui. Chai punzhamantaca mana pasangachu.

JOB 14:5 ပူးပေါင်းရင်းမြစ်များ

JOB 12:10

Tucui causaccunapac almapish, samaipish paipac maquipimi.

JOB 14:14

¿Shuc runa huañushpaca causaringachu? Tucui ñuca causai punzhacunami quishpirina chayamunata shuyacushalla.

JOB 16:22

Ñuca mana ashtahuan cutina ñanta japishpa ringapacca asha huatacunallami tiyan.

JOB 21:21

Paipac causanaca asha quillacunallami tiyan. Pai huañushca quipa paipac familia ima tucunataca ¿imatac yachangayari?

JOB 7:1

Cai pachapi causaccunaca shaicushpami imatapish ruhuashpa causan. Paicunapac punzhacunaca, trabajac runapac punzha tucuric shinami tucurin.

SALMOS 104:29

Can mana micunata caracpica imata mana micui pudincunachu. Can samaita quichucpica ña mana causancunachu. Chashnami allpaman cutincuna.

SALMOS 104:9

Maicaman can churashca pushtumantaca mana pasangachu. Allpatapish mana cutin tapangachu.

SALMOS 139:16

Muyu shina ñuca huiñai callaricucpimi canca ña ricurcangui. Tucui chaicunatami cambac libropi ña quillcarcangui. Ñuca causai punzhacuna manarac tiyacpimi ña yupashca carcani.

SALMOS 31:15

Ñuca causaipish cambac maquipimi. Piñashpa llaquichiccunamanta quishpichiyari.

SALMOS 39:4

«Mandac Dioslla, ñuca causai tucurinata huillaiyari. Maicaman causana cashcatami yachasha nini. Ñuca huañuna cacpipish ricuchiyari.

ECLESIASTÉS 3:2

Huacharingapacpish, huañungapacpish punzha tiyanmi. Tarpungapacpish, chai tarpushcata pilangapacpish punzha tiyanmi.

ECLESIASTÉS 8:8

Runaman causaita cuc samai ama llucshichunca pi mana jarcai pudinchu. Shinallatac huañuna punzhata jarcacpish mana tiyanchu. Huañuimantaca ima macanacunahuanpish mana quishpiri pudinchu. Diosta mana manchac runatapish, pai ruhuashca juchaca mana quishpichingachu.

DANIEL 11:36

Chai jatun mandacca pai munashcata ruhuashpami, jatun tucushpa tucui dioscunata yalli jatun tucunga. Tucui dioscunapac Diostapish millaitami rimanga. Dios piñarishpa llaquichingacamanmi paica imata ruhuashpapish alli canga. Chaica, paita llaquichina cashcaca pactangami.

DANIEL 4:35

Paipac ñaupapica tucui cai pachapi causaccuna mana ima canchu. Paimi jahua pachapi tucui tiyaccunatapish, cai pachapi tucui tiyaccunatapish pai munashca shina ruhuan. Paipac poderhuan imata ruhuacucpipish, pi mana jarcai pudinchu. Shinallatac mana pi: ‘¿Imatatac ruhuacungui?’ nishpa tapunchu” nishpa alli nircani

DANIEL 5:26

Cutin chai quillcaccunaca: MENE nishpaca Diosmi mandana punzhacunata yupashpa, caicamanllami mandangui nisha ninmi.

DANIEL 5:30

Chai tutallatacmi caldeocunata jatun mandac Belsasarca huañurca.

DANIEL 9:24

Israelcunapacpish, Diospac acllashcacunapacpishmi canchis chunga semanacunata chicanyachishca tiyacun. Chai semanacunapimi mana cazunatapish, juchata ruhuanatapish saquinga. Shinallatac chai semanacunallapitacmi mana allita ruhuashcatapish pichanga, huiñaita cashcata ruhuanga. Muscuipi shina ricushcatapish, Dios huillachishcatapish sellanga. Shinallatac Diospac caccunata aceitehuan cahuishpa ashtahuan Diospacllata ruhuanga.

SAN LUCAS 12:20

Ashtahuanpish Diosca: “Yuyai illac runa, cunan tutallatacmi huañungui. Cai tucui huacaichishcacunaca, ¿pipactac canga?” nirca.

HECHOS 17:26

Tucui cai pachapi causachunmi, shuclla runamanta tucui runacunata mirarirca. Paillatacmi gentecuna mashna huatacaman causanatapish, maipi causanatapish churarca.

HEBREOS 9:27

Shinallatac tucuimi shuc cutinlla huañuna canchic. Chai quipami, Dios taripana punzhaca shamunga.

APOCALIPSIS 1:18

Ñucaca causacunimi. Huañushcami carcani, cunanca huiñaipacmi causacuni. Ñucami huañuipacpish, ucu pachapacpish llavecunata charicuni.

APOCALIPSIS 3:7

Filadelfia pueblopi cac tandanacushca criccunata ricuc angelman quillcai: “Mandac Davidpac llaveta charicuc, pi mana pascaipacta huichcac, pi mana huichcaipacta pascac, cashcata ruhuac jucha illacca:

1 SAMUEL 26:10

Shinallatac Davidca: —¡Mandac Diospac shutipimi nini: Mandac Diosllatacmi paitaca llaquichinga, mana cashpaca paipac huañuna punzhami chayanga, mana cashpaca jatun macanacuipimi chingaringa!