JOB 14:2 - Dios Rimashcata Quillcashcami

² Sisa sumacta pascarishpa chaquic shina, llandu ricurishpa chingaric shinami can.

JOB 14:2 ပူးပေါင်းရင်းမြစ်များ

1 CRÓNICAS 29:15

Ñucanchicca cambac ñaupapica tucuimi ñaupa taitacuna shinallatac shuc llactamanta shamushpa, pozashpa causacunchic. Ñucanchic causaica cai pachapica llandu chingaric shina chingarinallami.

JOB 15:33

Paica jayac uvas yura shinami chingaringa. Paipac sisacunapish olivos sisa shinami chaquishpa urmanga.

JOB 4:20

Paicunaca tutamanta alli cashpapish, chishipacca tucurincunallami. Chashna cashcamantami pipish mana yuyarishca huiñaita tucuringalla.

JOB 8:9

Ñucanchicca cainallamanta cashpami imatapish mana yachanchic. Ñucanchic causaica cai pachapica llandu shinallami.

SALMOS 102:11

Ñuca causaica llandu shinami chingaricun. Quihua shinami chaquicuni.

SALMOS 102:12

Mandac Dioslla, ashtahuanpish canca, huiñaitami mandashpa tiyacungui. Cantaca huahua huahuami yuyaricunlla.

SALMOS 102:5

Huacacushpallami, tulluhuan, carallahuan tucushcani.

SALMOS 144:4

Gentecunaca samai shinallami. Paicuna causana punzhacunaca llandu shinallami.

SALMOS 37:2

Paicunaca quihua shinami pitishca canga. Llullu quihua shinami chaquinga.

SALMOS 39:5

Riqui, ñuca causana punzhacunatapish ashallatami cushcangui. Ñuca causaica cambac ñaupapica yangallami. Tucui runacunapac causaica samai chingaric shinami tucurinlla.

SALMOS 39:7

Jatun Dioslla, cunanca ¿imatatac shuyashayari? Ñuca shuyanaca canllami cangui.

SALMOS 92:12

Cashcata ruhuaccunaca palmera yura shinami sisacunga. Líbano urcupi tiyac cedro shinami huiñanga.

SALMOS 92:7

Diosta mana manchaccuna quihua shina huiñashca cashpapish, millaita ruhuaccuna, yura sumacta sisac shina cashpapish, huiñaita chingaringapacmi cancuna.

ECLESIASTÉS 8:13

Ashtahuanpish Diosta mana manchac runapacca imapish mana alli llucshinata, paipac causana punzhacuna ashallayashpa, llandu shina tucuna cashcatami yachani. Diospac ñaupapi mana manchashcamantami chashnaca tucunga.

SANTIAGO 4:14

Caya punzha ima tucuna cashcataca, mana yachanguichicchu. Cancunapac causaica puyu ashata ricurishpa, tigrai chingaric shinallami.

1 PEDRO 1:24

Dios quillcachishcapica: «Tucui gentecunaca quihua shinallami. Paicuna jatunmi cani nishcapish, sisashca quihua shinallami. Quihua chaquiricpica, sisaca urmanllami.