JOB 14:1 - Dios Rimashcata Quillcashcami

¹ Huarmimanta huacharishcaca, asha punzhacunallatacmi causan. Llaquicunataca yallitami charin.

JOB 14:1 ပူးပေါင်းရင်းမြစ်များ

GÉNESIS 3:17

Cutin Adantaca: —Ñuca: “Cai yuramanta ama micunguichu” nishca jahua, cambac huarmi nishcata uyashpa, micushcamantami cai allpaca mana alli nishca canga. Tucui causaipimi llaquita trabajashpa, granota pucuchishpa causangui.

GÉNESIS 47:9

Shina tapucpimi Jacoboca: —Caipi, chaipi purishpa causashca huatacunaca patsac quimsa chunga huatami can. Ñucapac causai huatacunaca asha mana alli huatacunami cashca. Ñuca ñaupa taitacuna causashca shina, unai huatacunataca mana causashachu— nirca.

2 REYES 4:19

Chaipi cashpami, chai huahuaca paipac taitataca: —¡Aij, ñuca umata nananmi, ñuca umata nananmi!— nirca. Shina nicpi, taitaca paita servictaca: —Paipac mamapacman apai— nirca.

JOB 10:20

Ñuca causana punzhacunaca ashallami. Ama ashtahuan llaquichishpa, ashallatapish cushicuchun saquiyari.

JOB 15:14

¿Runaca mapa illac cangapacca imatacyari? Huarmimanta huacharishca runaca ¿ima shinatac allita ruhuac cashcaca ricuringayari?

JOB 25:4

¿Ima shinatac runaca Diospac ñaupapica, cashcata ruhuac tucunga? ¿Ima shinatac huarmimanta huacharishca runaca mapa illac tucunga?

JOB 25:5

Quillapish Diospac ñaupapica, mana achic nicunchu. Lucerocunapish mana mapa illacchu can.

JOB 5:7

Shina cacpipish, rupacuc nina saltashpa huañuc shinami runapish llaqui tucungapac huacharin.

JOB 7:1

Cai pachapi causaccunaca shaicushpami imatapish ruhuashpa causan. Paicunapac punzhacunaca, trabajac runapac punzha tucuric shinami tucurin.

JOB 7:6

Ñuca causaica ahuac runapac lanzaderatapish yallimi callpashpa tucuricun. Chashnami ima shuyanata mana charishpa chingarigricuni.

JOB 8:9

Ñucanchicca cainallamanta cashpami imatapish mana yachanchic. Ñucanchic causaica cai pachapica llandu shinallami.

JOB 9:25

Ñuca causaica callpac runacunatapish ashtahuan yallimi callpashpa rin. Ima allitapish mana ricushpami callpashca.

SALMOS 39:5

Riqui, ñuca causana punzhacunatapish ashallatami cushcangui. Ñuca causaica cambac ñaupapica yangallami. Tucui runacunapac causaica samai chingaric shinami tucurinlla.

SALMOS 39:6

Runaca shuc llandu shinallami. Yangami imatapish charinata munan. Pai charishcacunata pi japina cashcatacami mana yachanchu.

SALMOS 51:5

Ñuca mamapac huicsamanta pachami juchayuc cashcani. Ñuca mamaca juchayuctami huicsayuc tucushca.

SALMOS 89:47

Ñuca causaica llandu shinalla cashcataca yuyaringuiyari. ¿Imapactac aichayuc runapac huahuacunataca ruhuarcanguiyari?

ECLESIASTÉS 2:17

Inti achicyachicuc cai pachapi tucui imalla ruhuashcaca umata nanachinmi. Chaimantami ñuca causaitapish mana ricunayachini. Tucui chaicunata alli yuyaricpica, huairata caticuc shinami yangalla.

ECLESIASTÉS 2:23

Tucui paipac causai punzhami llaquillata, mana allillata apan. Imata ruhuashcapish paillatatacmi llaquichin. Paipac yuyaica tutapish mana samarinchu. Chaipish yangallami.

JEREMÍAS 20:18

Paipac huicsamantaca, ¿imapactac llucshircani? ¿Mana alli nishpa rimashcata, yalli llaquita, huacaita ricungapac, yallita pingaichishca cangapacchu huacharircani?

SAN MATEO 11:11

Cai pachapica Bautizac Juanmanta yallica manatac tiyashcachu. Chashna cacpipish jahua pacha Dios mandacucpica, yangalla imapish mana cacmi, Juanta yalli alli nishcaca. Chaica, chashnatacmi can.