JOB 13:4 - Dios Rimashcata Quillcashcami

⁴ Cancunaca llullashpa pandachiccunami canguichic. Cancunaca jambiccuna mana jambinata yachac shinami canguichic.

JOB 13:4 ပူးပေါင်းရင်းမြစ်များ

NEHEMÍAS 6:8

Chaimantami paitaca: «Can nishca shinaca imapish mana uyarinchu, ashtahuanpish cambac yuyaillamantami chashna ningui» nichun cacharcani.

JOB 16:2

«Cashna nishcataca achca cutinmi uyashcani. Cancunaca cushichinapac randica llaquichicunguichicmi.

JOB 27:12

Tucui cancunami chaitaca ricurcanguichic, ¿ima nishpatac yangata rimaricunguichic?

JOB 6:15

Ashtahuanpish ñucataca ñuca huauquicunallatacmi, yacu jundashpa shamuc shina llaquichin. Manchana jatun yacu shamuc shinami llaquichincuna.

JOB 6:20

Ashtahuanpish paicuna shuyacushca mana ricuricpimi llaquirincuna. Chai yacu tiyac pushtuman chayashpapish, yacuta mana tarishpami ubiana munaillahuan saquirincuna.

JOB 6:21

Cunanca cancunapish, chashnallatacmi canguichic. Jatun llaquihuan cacta ricushpaca, mancharinguichicmi.

SALMOS 119:69

Jatun tucushca gentecunaca ñucata yangami juchanchircacuna. Shina ruhuacpipish, tucui shunguhuanmi can mandashcacunata cazusha.

ÉXODO 20:16

Ama yanga pitapish juchanchishpa llaquichingui.

JEREMÍAS 23:32

Muscushcata llullashpa huillaccunahuanca piñarishcami cani. Paicunaca uyanalla shimicunata parlashpami, ñuca acllashcacunataca pandachin. Ñucaca paicunataca mana huillachun cacharcanichu. Cai gentecunamanca ima allitapish mana ruhuancunachu. Chaitaca Mandac Dios ñucami nini.

JEREMÍAS 30:13

Cambac llaquita ricushpa allichicca pipish mana tiyanchu. Chugrita alliyachingapacca imapish mana tiyanchu.

JEREMÍAS 46:11

¡Carihuan manarac chayarishca soltera shina, Egipto runacunalla, Galaad llactaman huichai rishpa, balsamota apamugrichic! Mashna jambicunata tandashpapish, mana alli tucunguichicchu.

JEREMÍAS 6:14

Ñuca acllashcapac chugrita jahuallata jambishpaca: “Cushi causaimi tiyan, cushi causaimi tiyan” nishpami jambincuna. ¡Ashtahuanpish cushi causaica mana tiyanchu!

JEREMÍAS 8:22

¿Manachu Galaad llactapi bálsamo tiyan? ¿Imamantatac ñuca llactapi causaccunata jambingapacca, ima jambipish mana tiyan?

EZEQUIEL 34:4

Irquiyashca ovejacunatapish mana sinchiyachinguichicchu, ungushcacunatapish mana jambinguichicchu. Chaqui paquicunatapish mana huatachinguichicchu, caita chaita rishca ovejacunatapish mana corralman tandachimunguichicchu. Chingarishca ovejacunatapish mana mashcanguichicchu. Ashtahuanpish yallita llaquichishpami mandashpa charinguichic.

OSEAS 5:13

Efraín ailluca ungüihuanmi llaquichishca canga. Judá llactapi causaccunataca sisu ungüimi tucuchinga. Chaimantami Efraín ailluca Asiria llactata jatun mandac Jarebman huillachun cachanga. Shina ricpipish, sisu ungüitaca mana jambingachu.

MARCOS 2:17

Chaita Jesús uyashpaca: —Allicunaca jambictaca mana mashcanchu, ashtahuanpish ungushcacunallami jambicta mashcan. Ñucaca, mana cashcata ruhuac runacunatachu cayac shamurcani, ashtahuanpish juchayuccunatami cayac shamurcani— nirca.

MARCOS 5:26

Chai huarmica tauca jambiccunapacman rishpami, llaquita apashpa puricurcalla. Jambiricushpallami pai charishcatapish tucui tucuchirca. Ima jambipish mana allichircachu, ashtahuanmi anchayashpa caticurca.