JOB 13:26 - Dios Rimashcata Quillcashcami

²⁶ ¿Ima nishpatac nanachic llaquicunata ñucaman cunguiyari? ¿Ima nishpatac huambrarac cashpa, juchata ruhuashcamanta ñucata llaquichingui?

JOB 13:26 ပူးပေါင်းရင်းမြစ်များ

1 REYES 17:18

Chaimantami chai huarmica Eliastaca: —Diospac runa cantaca ¿Ima mana allitatac ruhuashcaniyari? ¿Ñuca juchacunata yuyachishpa, ñuca cari huahuata huañuchingapacchu ñucapacman shamurcangui?— nirca.

JOB 20:11

Paipac tullucuna sinchirac cashpapish, paillahuantacmi ñuto allpapi samaringa.

JOB 3:20

¿Ima nishpatac llaquihuan causaccuna achicta ricuchunca saquinyari? ¿Ima nishpatac shungu nanarishcamanca causaita cunyari?

JOB 9:18

Ñucataca samaita aisachunllapish mana saquinchu. Chaipac randica jatun llaquicunahuanmi llaquichin.

SALMOS 25:7

Huambrarac cashpa juchata ruhuashcacunatapish, canta cariyashcatapish ama yuyarichu. Mandac Dioslla, can llaquic cuyac, cuyac cashcamanta ñucata yuyariyari.

JEREMÍAS 31:19

Canmanta caruyashca quipaca yallitami llaquirini. Ñucaca mana allita ruhuashcata yuyarishpami shungupi huactarircani. Huambrarac cashpa juchata ruhuashcamantami yallita pingaihuan cani. Chaitaca manatac cungarishachu” nishpa, huacactami uyarcani.

SAN JUAN 5:14

Jesús, Diosta mañana huasipi chai runahuan tupashpaca: —Uyai, ña alliyashcanguimi. Ama ashtahuan juchallinguichu. Pacta ashtahuan llaquita apanguiman— nirca.

SAN JUAN 5:5

Chaipica, quimsa chunga pusac huatata ungushca shuc runami tiyarca.

RUT 1:20

Shina cacpimi Noemica: —Ama Noemí nishpa cayaichicchu, ashtahuanpish Mara nishpa cayaichic. Imatapish ruhuac Diosca yalli llaquitami ñucaman cushca.