JOB 12:22 - Dios Rimashcata Quillcashcami

²² Amsa ucutapish ricuchinmi. Huañuchic amsatapish achictami ruhuan.

JOB 12:22 ပူးပေါင်းရင်းမြစ်များ

2 REYES 6:12

Shina nicpi, servicpuramanta shucca: —Jatun mandac, ñuca amolla, pipish mana huillashcanchicchu. Ashtahuanpish, Dios ima nishcata huillac Israel llactapi causac Eliseomi Israel llactata jatun mandacman huillan. Can sueñuna ucupi imata pacalla parlanacushcatapish tucuimi huillan— nirca.

JOB 11:6

Paimi pi mana yachashca, yachaicunata yachachinga. Chaicunaca ima charishcacunata yalli valic cactami ricuchin. Chashnami can mana allita ruhuashcamantaca, Diosca ashallata llaquichicushcata yachangui.

JOB 24:17

Paicunamanca achic punzhaca pura tuta shinami. Paicunata pi ricsinataca, huañuchic amsata shinami manchancuna.

JOB 3:5

Chai punzhaca purayashca huañuna llandu cachun. Punzha purayashca shina, manchanayaita ruhuashpachari alli canman.

JOB 34:22

Mana allita ruhuaccuna miticuchunca amsa puyupish, amsa tutapish mana tiyanchu.

SALMOS 139:11

Ñuca: «Amsa tutapish pacangami, ñuca muyundipi tiyac achicpish purayangami» nishpa yuyacucpipish,

SALMOS 139:12

cambac ñahuimantaca amsa tutapish mana purayachingachu. Tutaca achic punzha shinami. Canmanca amsapish, achicpish chashnallatacmi can.

SALMOS 44:21

ñucanchic shungu yuyashcatapish yachac Diosca ¿manachu llaquichinman carca?

DANIEL 2:22

Canmi maita mana yachaipaccunatapish yachachingui. Canmi yalli purapi caccunatapish achicyachingui. Canmi luz cangui.

AMÓS 5:8

Pléyades, Orión lucerocunatapish ruhuac Mandac Diospacman cuchuyaichic. Paimi tutataca punzhata, punzhataca amsata ruhuan. Paimi mama cucha yacuta cayashpa, allpapi tallin. ¡Paipac shutica Mandac Diosmi!

SAN MATEO 10:26

Ima pacalla ruhuashcapish ricuringami, Imata pacalla ruhuashcapish yacharingami. Chaimanta gentecunata ama manchanguichicchu.

SAN LUCAS 1:79

Amsapi causaccunatapish, purapi huañunalla causaccunatapish achicyachishpami, ñucanchicta sumac causai ñanta pushangami» nirca.

1 CORINTIOS 2:10

Ashtahuanpish Diosmi paipac Espirituhuan ñucanchicman yachachishca. Diospac Espirituca tucuitami ricsin, Dios imata yuyacushcatapish yachanmi.

1 CORINTIOS 4:5

Shina cacpica manarac juchanchina punzha chayamucpi, ama juchanchichicchu. Apunchic Jesús cutimunata shuyaichic. Paimi amsapi pacashcacunatapish, shungu imata yuyashcatapish achicpi shina ricuchinga. Shina ruhuacpimi, Diosca cada quiquin imata ruhuashcata ricushpa alli ninga.