JOB 12:18 - Dios Rimashcata Quillcashcami

¹⁸ Paimi jatun mandaccuna cadenahuan huatashpa charicucmanta cacharichishpa, huascallahuan cinturapi huatan.

JOB 12:18 ပူးပေါင်းရင်းမြစ်များ

JOB 12:21

Jatun mandaccunatapish mana valichinllami. Alli sinchita huatallishcatapish pascachinllami.

JOB 3:14

Cai pachata mandaccunahuan, paicunaman yuyaita cuccunahuanmi samaricuiman carcani. Paicunaca urmashca huasicunatami, paicunapac cachun allichincuna.

JOB 30:11

Diosllatacmi ñuca arco cuerdata pascac shina ñucataca cumurichirca. Chaimantami ñuca ñaupapica mana jarcarishpa imatapish rimarcacuna.

SALMOS 116:16

Mandac Dioslla, ñuca mañashcata uyaiyari. Ñucaca canta servicmi cani. Canta servic huarmipac huahua, canta servicmi cani. Canmi huatashcamanta cacharichircangui.

ISAÍAS 5:27

Paicunapurapica pi mana shaicungachu. Mana mitcaringachu. Pi mana sueñungachu. Ñahuillatapish mana huichcangachu. Paicuna chumbillirishcataca pi mana pascangachu. Ushuta huatashcatapish pi mana pitingachu.

DANIEL 2:21

Canmi huatacunatapish, punzhacunatapish shuctaclayata ruhuangui. Canmi jatun mandaccunatapish churangui, shinallatac llucchingui. Alli yachaccunamanca alli yachaita, yuyaisapacunamanca alli yuyaitami cungui.

SAN MATEO 3:4

Juanca camello millmamanta ruhuashca churanatami churashca, cara chumbihuanmi chumbillishcami carca. Paica langostacunata, shinallatac abeja mishquitami micuc carca.

APOCALIPSIS 19:16

Paipac churanapipish, changapipish “Amocunapac Amo, Jatun Mandaccunapac Jatun Mandac” nishca quillca apashcami carca.