JOB 12:17 - Dios Rimashcata Quillcashcami

¹⁷ Yuyaita cuc runacunatapish, paimi yuyai illacta saquin. Juezcunatapish paimi yuyaita chingachin.

JOB 12:17 ပူးပေါင်းရင်းမြစ်များ

2 SAMUEL 15:31

Shina ricucpimi Davidmanca: «Ahitofelpish Absalonhuan tucushpami llaquichingapac allichiricun» nishpa huillarca. Chaita uyashpami Davidca: «Mandac Dioslla, Ahitofel mana allita ruhuasha nicushcata ruhuachunca amatac saquinguichu, ashtahuanpish paitaca urmachingui» nishpa mañarca.

2 SAMUEL 17:14

Shina nicpimi, Absalonpish tucui israelcunapish rimashpaca: «Arquitapuramanta Husai cushca yuyaimi Ahitofelpac yuyaita atishpa, ashtahuan alli» nirca. Mandac Diosca Absalonta llaquichingapacmi Ahitofel cushca yuyaita yangapi churachun chashnaca rimachirca.

2 SAMUEL 17:23

Ashtahuanpish Ahitofelca pai yuyaita cushcata mana ruhuacpimi, paipac burrota parejashpa montashpa pai huacharishca pueblopi tiyac huasiman rirca. Paipac familia imata ruhuana cashcata ña allichishca quipaca sipirishpami huañurca. Pai huañucpica, paipac taita enterrashcallapitac enterrarca.

JOB 19:9

Ñuca alli canatapish quichushcami. Ñuca umamanta coronatapish anchuchishcami.

JOB 3:14

Cai pachata mandaccunahuan, paicunaman yuyaita cuccunahuanmi samaricuiman carcani. Paicunaca urmashca huasicunatami, paicunapac cachun allichincuna.

JOB 9:24

Cai pachataca paita mana manchaccunapac maquipimi churashca. Paica juezcunapac ñahuitapish tapanmi. Mana pai ruhuacpica, ¿pitac ruhuangayari?

ISAÍAS 29:14

Chaimantami cutinllatac jatun mancharinacunata ruhuashpa, cai gentecunaman ricuchigrini. Chashna ricuchicpica, alli yachaccunapac yachaipish, allita entendiccunapac entendishcapish yangami canga» nini.

DANIEL 9:12

Canca cambac shimihuan ñucanchictapish, ñucanchicta mandaccunatapish llaquichishami nishcataca pactachishcanguimi. Jerusalenta llaquichishca shinaca, cai pachapica jaicapi mana tiyashcachu.