JOB 11:7 - Dios Rimashcata Quillcashcami

⁷ ¿Canca Diospac pacashca yuyaicunataca yachai pudinguichu? ¿Tucuita ruhuac Dios ima shina cashcataca entendinguichu?

JOB 11:7 ပူးပေါင်းရင်းမြစ်များ

JOB 22:12

Diosca jahua pachamanta ashtahuan jahua pachapimi tiyacun. Lucerocunapish paimanta urapimi cancuna. Chaitaca ricuiyari.

JOB 26:14

Cai ruhuashcacunaca callari ruhuaicunallami. ¡Paimantaca asha ashallatami uyanchic! Paipac jatun podertaca ¿pitac alli yachai pudinga?» nirca.

JOB 27:11

Diospac podermantaca ñucami cancunaman yachachisha. Tucuita ruhuac Dios imata ruhuagricushcataca mana pacashpami huillasha.

JOB 33:12

Uyai, can chashna nishpaca pandaricunguimi. Diosca runata yallimi. Chaitami canmanca ricuchigrini.

JOB 33:13

¿Ima nishpatac runa mañashcataca mana uyanchu nishpa, paitaca piñarishpa rimanguiyari?

JOB 35:5

Jahua pachata huichailla ricushpa, chaipi tiyac puyuta allita ricuiyari. Chaicunaca cantapish yalli jahuamanmi tiyacun.

JOB 36:26

Riqui, Diosca mai jatunmi. Ñucanchicca mana ricsi pudinchicchu. Paipac huatacunatapish mana yupai pudinchicchu.

JOB 37:23

Tucuita ruhuac Diosmantaca mana yachai pudinchicchu. Paica imatapish cashcata ruhuac, pitapish mana llaquichic Diosmi can.

JOB 37:5

Diosca sumaimanatami tulun nic shina riman. Paica ñucanchic mana entendipac sumaimanacunatami ruhuan.

JOB 42:3

¿Pitac alli yachachishcacunata mana entendishpa pandachisha nircayari? Ñucaca imata mana entendishpa rimarinillami. Chai rimashcacuna ñucaman sumaimana cacpipish, ñucaca mana entendircanichu.

JOB 5:9

Paica pipish mana ruhuaipac mancharinacunata, shinallatac mana yupaipac sumaimanacunatami ruhuan.

SALMOS 139:6

Cambac yachaica sumaimanami. Canca jatun yachacmi cangui. Cambac yachaitaca mana entendinichu.

SALMOS 145:3

Mandac Diosca jatunmi, tucui mashna alabana Diosmi. Pi mana yachai pudipac Diosmi.

SALMOS 77:19

Cambac ñanca mama cuchatami rirca. Jatun timbucuc yacu chaupitami cambac purina ñantaca ruhuarcangui. Cambac chaqui sarushcataca pi mana ricsi pudircachu.

PROVERBIOS 30:4

¿Pitac jahua pachaman rishpa, cutimushcayari? ¿Pitac maquipi huairata tandachishcayari? ¿Pitac yacuta montonashpa chari pudishcayari? ¿Pitac cai pachataca muyundita ruhuashcayari? ¿Paica ima shutitac canyari? ¿Paipac churipac shutitaca yachanguichu?

ECLESIASTÉS 3:11

Diosca tucui imatapish ruhuana punzhallapitacmi sumacta ruhuashca. Shinallatac cai pachapi causaccunapac shungupica huiñaita causachunmi churarca. Shina cacpipish, gentecunaca callarimanta tucuricaman Dios imata ruhuashcataca mana entendinchu.

ECLESIASTÉS 7:24

Chashna yachana carupi cacpi, yallita ucupi cacpica, ¿pitac tari pudingayari?

ISAÍAS 40:28

Huiñaita causac Diosca Mandac Diosmi. Chaitaca, ¿manachu yacharcanguichic? ¿Manachu uyashcanguichic? Paimi tucui cai pachataca ruhuarca. Paica mana shaicunchu, mana fuerza illac saquirinchu. Paipac yuyaitaca pi mana yachai pudinchu.

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachan.

ROMANOS 11:33

¡Dios mandanapish, yachaipish, yuyaipish yalli jatunmi! Pai yuyacushcapish, maita mana yachaipacmi. Pai ruhuashcapish mana entendipacchu.

1 CORINTIOS 2:10

Ashtahuanpish Diosmi paipac Espirituhuan ñucanchicman yachachishca. Diospac Espirituca tucuitami ricsin, Dios imata yuyacushcatapish yachanmi.

1 CORINTIOS 2:16

Dios quillcachishcapica: «Mandac Diospac yuyaitaca, ¿pitac ricsingayari? Shinallatac paitaca, ¿pitac yachachingayari?» ninmi. Shina cacpipish, ñucanchictaca Cristomi yuyaita cushpa yachachicun.

EFESIOS 3:8

Ñucami tucui Diospaclla caccunamantaca ashtahuan yangalla cani. Shina cacpipish Dios cuyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.