JOB 11:20 - Dios Rimashcata Quillcashcami

²⁰ Ashtahuanpish millaita ruhuaccunaca chingaringami. Paicunaca maipi mana miticui pudingachu. Paicuna imata shuyacushcapish, tucuri samai shinami canga» nirca.

JOB 11:20 ပူးပေါင်းရင်းမြစ်များ

JOB 12:1

Shina nicpimi Jobca:

JOB 17:5

Maijanpish imata japishpa paicunapac ricsishcacunata llaquichichun huillacca paicunapac huahuacuna huañuctami ricunga.

JOB 18:14

Paipac huasipi mana manchashpa sumacta causacucpipish, chaimanta llucshishpami, yallita manchachic jatun mandaccunapacman apashca canga.

JOB 27:22

Diospac podermanta pai miticusha nicucpipish, Diosca mana llaquishpami yalli llaquihuan paitaca llaquichinga.

JOB 27:8

Chaica, ¿millaita ruhuac runa mashnata shuhuashca cacpipish Dios paipac causaita quichucpica, ima shuyanata charingachu?

JOB 3:21

Paicunaca huañuitami shuyan. Huañuica mana chayanchu. Curi pacashcata shina mashcacucpipish huañuica mana japinchu.

JOB 3:22

Enterrana jutcuta tarishpaca yallitami cushicuncuna.

JOB 31:16

Huacchacuna mañashcata mana cushca cacpi, viuda huarmicunatapish yarcaihuan huañuchun saquishca cacpi,

JOB 34:22

Mana allita ruhuaccuna miticuchunca amsa puyupish, amsa tutapish mana tiyanchu.

JOB 6:9

Dios ñucata, ñutuchishpachari alli canman. ¡Paipac maquita chutashpa, ñucata tucuchishpachari alli canman!

SALMOS 142:4

Ñuca alli ladota chapai ñucata ayudacca pi mana tiyanchu. Ñucata pacacpish, ñuca causaita cuidacpish pi mana tiyanchu.

SALMOS 69:3

Cunga nanangacaman caparishpami, yallita shaicushcapish cani. Ñuca Diosta shuyacucllapimi ñahuipish amsayan.

PROVERBIOS 10:24

Diosta mana manchac runa imatami manchan, chai manchaillatacmi paita japinga. Ashtahuanpish cashcata ruhuaccunaca imata pai munashcatami japinga.

PROVERBIOS 10:28

Cashcata ruhuaccunapac shuyanaca cushicunami canga. Diosta mana manchaccunapac shuyanaca chingarinallami canga.

PROVERBIOS 20:20

Paipac taitata, mana cashpaca mamata llaquichicca manchana amsa tutapi lámpara huañuc shinami tucunga.

JEREMÍAS 25:35

Michiccunapish mana miticuna pushtuta charingachu. Mandaccunapish mana quishpiri pudingachu.

LAMENTACIONES 4:17

Ñucanchicta ayudacta chapacucllapitacmi ñahuipish amsayan. Mana ayudanata pudic llactatami torre jahuaman huichicushpa chapacushcanchic.

LEVÍTICO 26:16

ñucapish cancunataca jatun manchaita, rupachic ungüita, cuerpota irquiyachic ungüita cachashpami cancunata llaquichisha. Cancunaca yangami allpapi tarpunguichic. Chai pucushca granotaca cancunata piñaccunami micunga.

AMÓS 2:14

Shina ruhuacpica, yalli callpac runapish mana callpai pudingachu. Yalli sinchi runapish fuerza illacmi saquiringa. Yalli piña runapish mana quishpiringachu.

DEUTERONOMIO 28:65

Chai llactapica mana samaringuichicchu. Chaqui plantapish mana samaringachu. Cancuna chaipi cacpica, Mandac Diosca cancunapac shungupica manchaitami churanga. Chaimantami llaquilla shungu puringuichic. Llaquilla ñahuicunami puringuichic.

HEBREOS 2:3

Shina cacpica, sumac quishpirinata yangapi churashpaca, ¿ima shinatac jatun llaquimantaca quishpirishunyari? Cai quishpirinataca Apunchic Jesusmi punta huillarca. Pai huillashcata uyaccunami chashnatac cashcata huillarca.