JOB 11:14 - Dios Rimashcata Quillcashcami

¹⁴ Cambac maquihuan mana allita ruhuashca cashpaca saquingui. Cambac huasipi ima mana alli tiyachunca, ama saquinguichu.

JOB 11:14 ပူးပေါင်းရင်းမြစ်များ

GÉNESIS 4:7

Allita ruhuashpaca, ¿manachu alli nishca canguiman? Cantaca juchami pungupi shuyac shina, mana allita ruhuachicun. Chai juchacunataca canllatacmi mishana cangui— nirca.

2 REYES 17:13

Mandac Diosca paita servic pai ima nishcata huillaccunata, pai ricuchishcata huillaccunata israelcunamanpish, Judá gentecunamanpish huillachishpaca: «Millaicunata ruhuanata saquishpa, ñuca mandashcacunata, ñuca yachachishcacunata cancunapac ñaupa taitacunaman ñuca mandashca shinallatac tucuita cazushpa causaichic» nirca.

JOB 22:23

Tucuita ruhuac Diosman cutirishpaca cutinllatacmi sinchiyangui. Cambac huasimantapish millaitaca tucuimi anchuchingui.

JOB 22:5

Ashtahuanpish can millaita ruhuashcacunaca yallita achcami. Can mana allita ruhuashcacunaca mana tucuripacmi.

JOB 34:32

Ñuca mana ricushcacunata yachachi, ñaupaman mana alli ruhuashcacunata, ña mana ashtahuan ruhuashachu” ninami cangui.

JOB 4:7

Cunanca alli yuyariyari. ¿Mana faltayuc runa huañushcachu? Cashcata ruhuac runacunataca, ¿maipitac tucuchishca?

JOB 8:6

allita ruhuashpa chuya causacpica, paica cantaca huacaichingami. Chashna causacpica, can japina cashca shinallatac cambac huasipipish can charishcata ashtahuanmi mirachinga.

SALMOS 101:2

Allita causanatami yachacusha. ¿Ima horastac ñucapacmanca shamugringui? Ñuca mandana huasipica allita ruhuanata shungupi yuyarishpami purisha.

ISAÍAS 1:15

¡Cancunapac maquica huañuchishca yahuarllami! Chaimantami cancuna maquita alzashpa mañacpica, ñuca ñahuita pacasha. Yallita mañacucpipish manatac uyashachu.

SANTIAGO 4:8

Diosman cuchuyaichic, paipish cancunapacman cuchuyangallami. Juchayuccuna, maquita jahuac shina millaita ruhuanata saquichic. Ishcai yuyaihuan caccunaca, shunguta allichichic.

1 SAMUEL 7:3

Chaimantami Samuelca israelcunataca: —Mandac Diosman tucui shunguhuan cutirishpaca ruhuashcalla shuctac dioscunata, Astarot huarmi diostapish cancunamanta anchuchinguichic. Chai quipaca shungumanta allichirishpa Mandac Diosllatac servishpa causanguichic. Chashna causacpimi, filisteocunapac maquimantaca cacharichinga— nirca.