JOB 11:12 - Dios Rimashcata Quillcashcami

¹² Sacha burro genteta huachacpimi, mana entendic runapish yuyaita japinman.

JOB 11:12 ပူးပေါင်းရင်းမြစ်များ

JOB 15:14

¿Runaca mapa illac cangapacca imatacyari? Huarmimanta huacharishca runaca ¿ima shinatac allita ruhuac cashcaca ricuringayari?

JOB 28:28

Chaimantami runataca: “Alli yachaica Mandac Diosta manchanami. Alli yuyaica millaimanta anchurinami” ninmi» nirca.

JOB 5:13

Jatun yachaccunataca paicunapac yachashcallapitacmi urmachin. Millaita ruhuaccunataca paicuna yuyarishcatami pandachin.

JOB 6:5

¿Sacha burro quihuapi cashpaca huacangachu? ¿Huagrapish quihuapi cashpaca huacangachu?

SALMOS 144:4

Gentecunaca samai shinallami. Paicuna causana punzhacunaca llandu shinallami.

SALMOS 39:11

Runataca llaquichishpami juchamantaca jarcangui. Pai sumac cashcataca polilla shinami tucuchingui. Tucui runacunapac causaica samai chingaric shinami tucurinlla.

SALMOS 39:5

Riqui, ñuca causana punzhacunatapish ashallatami cushcangui. Ñuca causaica cambac ñaupapica yangallami. Tucui runacunapac causaica samai chingaric shinami tucurinlla.

SALMOS 51:5

Ñuca mamapac huicsamanta pachami juchayuc cashcani. Ñuca mamaca juchayuctami huicsayuc tucushca.

SALMOS 73:22

Ñuca imatapish mana yachac, mana entendic cashpami chashna carcani. Cambac ñaupapica shuc animal shinami carcani.

SALMOS 92:6

Mana entendic runaca caitaca mana yachanchu. Yuyai illac runaca mana entendinchu.

ECLESIASTÉS 1:2

«Tucui imapish yangallami. Ima cashpapish tucuimi yangallata» nirca.

ECLESIASTÉS 11:10

Cambac shungumantaca piñarina yuyaita, cambac cuerpomantaca ima mana allita ruhuana yuyaita anchuchi. Huambrarac cashpa cushicunaca yangallami.

ECLESIASTÉS 3:18

Chaimantami runacunamanta ñuca shungupica: «Paicunallatac animalcuna shina cashcata yuyarichunmi Diosca chashna ruhuashpa ricucun» nishpa yuyarcani.

JEREMÍAS 2:24

Shitashca urcupi causac huarmi burro cari burrota mashcashpa, mutquishpa maitapish callpac shinami cangui. Chai huarmi burro cunucyashcataca, ¿pitac jarcai pudingayari? Tucui paita mashcaccunapish mana shaicushpa taringami.

ROMANOS 1:22

Yallita yachac tucusha nishpapish, yuyai illaccunami tucushca.

ROMANOS 12:16

Cancunapurapica shuc shinalla caichic. Ama jatun tucuichicchu, ashtahuanpish yangalla gentecunahuan tandanacuichic. Cancunapurapica ama yachac tucuichicchu.

EFESIOS 2:3

Shinallatacmi tucui ñucanchicpish ñaupaca quiquin munaita, cai pacha jucha munashcallata, ñucanchic yuyarishcallata ruhuashpa causarcanchic. Chashna juchata ruhuashcamantami, caishuc mana allita ruhuaccuna shinallatac ñucanchicpish Dios llaquichishca cana carcanchic.

SANTIAGO 2:20

Ama upa shina caichu. Can crishpapish, ima allita mana ruhuashpaca, huañushca shinallatacmi cangui.