JEREMÍAS 8:22 - Dios Rimashcata Quillcashcami

²² ¿Manachu Galaad llactapi bálsamo tiyan? ¿Imamantatac ñuca llactapi causaccunata jambingapacca, ima jambipish mana tiyan?

JEREMÍAS 8:22 ပူးပေါင်းရင်းမြစ်များ

GÉNESIS 37:25

Chai quipami paicunaca micungapac tiyarirca. Chashna micucushpami, huichailla ricushpaca, achca ismaelitacuna Galaad llactamanta sumac mishquilla ashnacucta, mirrata shinallatac balsamota camellocunapi apachishpa, Egiptoman ricucta ricurca.

GÉNESIS 43:11

Shina nicpimi, taita Israelca: —Shina cana cacpica, chashna ruhuaichiclla. Chai mandacman convidangapac cai allpapi imalla tiyashca ashtahuan allicunata cancunapac tulupi churashpa apaichic. Asha bálsamo jambitapish, asha mishquitapish, mishquilla ashnacuctapish, mirra jambitapish, tuctitapish, almendracunatapish apaichic.

JEREMÍAS 14:19

Jeremiasca: «Judá llactapi causaccunataca, ¿huiñaitachu shitarcangui? ¿Sión llactataca yallitachu millarcangui? ¿Ima nishpatac mana jambiripacta ñucanchictaca chugrichircangui? Cushi punzhata shuyacucpica, ima alli mana shamurcachu. Jambirina punzhata shuyacucpica, manchaimi shamurca.

JEREMÍAS 22:6

Mandac Diosca Judá llactata jatun mandacpac aillutaca: «Canca Galaad urcu shina, Líbano urcu pamba shinami cangui. Shina cacpipish, pipish mana causana shitashca pambatami saquisha.

JEREMÍAS 46:11

¡Carihuan manarac chayarishca soltera shina, Egipto runacunalla, Galaad llactaman huichai rishpa, balsamota apamugrichic! Mashna jambicunata tandashpapish, mana alli tucunguichicchu.

JEREMÍAS 51:8

Babilonia llactaca cungaillami urmashpa ñuturirca. Paimanta huacaichicyari, Pai nanaita pasachichunca bálsamo jambita churaichicyari. Chashna ruhuacpica, alliyangapishchari» ninimi.

JEREMÍAS 6:7

Yacu tucyacuc shinami, cai llactapica millaita ruhuana yuyaica tiyan. Shuctac llaquichinallata, millaita ruhuanallatami parlanacun. Punzhantami ñuca ñaupapica ungushcacunapish, chugrichishcacunapish ricurin.

JEREMÍAS 9:1

¡Ñuca llactapi causaccuna huañushcamanta tutapish, punzhapish huacangapac, ñuca umaca yacu jundu shina, ñahuica tucyac yacu shina canmanlla!

JEREMÍAS 9:11

Mandac Diosca: «Jerusalentaca rumi montón shinata ruhuashpami, chacal animalcuna causanata ruhuasha. Judá llacta llactacunataca llaquinayaita tucuchishami. Shuc runallapish chaipica mana saquiringachu» nirca.

LAMENTACIONES 2:13

Jerusalenpi causaccunalla, ¿canmantaca imatatac nishayari? ¿Pihuantac cancunataca chimbapurashayari? Carihuan manarac chayarishca soltera shina, Sionpi causaccunalla, cancunata cushichingapacca, ¿imatatac ruhuashayari? Llaquica mama cucha shina jatunmi. Chaitaca, ¿pitac allichingayari?

EZEQUIEL 27:17

Judá llacta gentecunapish, israelcunapish canhuanmi catushpa, randishpa causac carca. Paicunaca plazacunapica trigohuan, mirrahuan, mishquihuan, aceitehuan, resinahuanmi randic carca.

NÚMEROS 32:1

Rubenpac, Gadpac aillucunaca achca animaltami charirca. Paicunaca Jazerpac, Galaadpac allpaca animalcunata mirachingapac alli cashcatami ricurca.

SAN LUCAS 8:43

Chaipica, chunga ishcai huatata yahuar cacharirishpa causac ungushca huarmimi caticurca. Chai huarmica jambiccunapacman ricushpallami, tucui charishcacunata tucuchishca carca. Pi mana alli pudishcachu carca.