JEREMÍAS 7:34 - Dios Rimashcata Quillcashcami

³⁴ Judá llactapi tiyac llactacunapipish, Jerusalén ñancunapipish cushicushpa yallita asinapish mana tiyangachu. Shinallatac noviocuna, noviacuna cushicushpa asinapish mana tiyangachu. Tucui llactacunami llaquinayaita tucuchishca canga» ninmi.

JEREMÍAS 7:34 ပူးပေါင်းရင်းမြစ်များ

JOB 3:7

¡Chai tutaca pipish ama huacharichun, ima cantanapish ama tiyachun!

SALMOS 78:63

Mosocunataca ninahuanmi tucuchirca. Chaimantami carihuan manarac chayarishca solteracunaman cazarai cantoca mana tiyarca.

ISAÍAS 1:7

Cancunapac llactaca shitashcami. Pueblocunapish rupachishcami. Pambacunapi pucushcacunatapish shuctac llacta gentecunami cancunapac ñaupallapitac micushca. Shuctac llacta gentecunami shitashca pambata saquishca.

ISAÍAS 3:26

Llacta pungucunapipish duelo churanahuanmi llaquilla tiyacunga. Shitashca saquirishcamantami yallita llaquirishpa, allpallapi tiyacunga.

ISAÍAS 6:11

Shina nicpimi ñucaca: —Mandac Dioslla, ¿ima horacamantac chashna canguiyari?— nircani. Shina nicpimi paica: —Tucui llacta tucuricpi, shucllapish mana saquiringacaman, huasicunapi shuc runallapish mana tiyangacaman, allpacunapish shitashca saquiringacaman,

JEREMÍAS 16:9

Israelcunapac tucuita Mandac Dios ñucaca: Cai llactapica cushicushpa yallita asinapish mana tiyangachu. Shinallatac noviocuna, noviacuna cushicushpa cantanapish mana tiyangachu. Chashnami cancuna causacui punzhapi, cancunapac ñaupapi tucunga nini.

JEREMÍAS 22:6

Mandac Diosca Judá llactata jatun mandacpac aillutaca: «Canca Galaad urcu shina, Líbano urcu pamba shinami cangui. Shina cacpipish, pipish mana causana shitashca pambatami saquisha.

JEREMÍAS 25:10

Paicunapurapica cushicushpa asinapish, cantanapish, cushicuihuan caparinapish, noviocuna, noviacuna cushicushpa cantanapish mana tiyangachu. Cutana rumi huacashcapish mana uyaringachu. Luzpish mana tiyangachu.

JEREMÍAS 27:17

Paicunataca ama uyanguichicchu. Chaipac randica, Babilonia llactata jatun mandacta servishpa causanguichic. Chashna servishpaca causanguichicmi. ¿Ima nishpatac cai llactaca llaquinayaita shitashca saquiringa?

JEREMÍAS 33:10

Mandac Diosca: «Cancuna: “Cai llactapica ima gentecunapish, ima animalcunapish mana tiyanchu. Judá llacta llactacunapi, Jerusalén ñancunapica runacunapish, animalcunapish illanmi, shitashcami siricun” nina llactapica,

JEREMÍAS 33:11

yallita cushicushpa asishcapish, novia, novio cantashcapish, shinallatac Mandac Dios ñucapac huasiman ofrendata apamushpa: “¡Tucuita mandac Diosta alabaichic, paica allimari! Paica huiñaita cuyacunllami” nishpa, cantashcapish uyaringami. Ñucaca prezumanta cutichimushpaca, utcapi shinallatac causachunmi allichisha. Chaitaca Mandac Dios ñucami nini.

JEREMÍAS 4:26

Alli pucuc allpacunata ricucpica, shitashcami saquirishca carca. Mandac Diosca yallita piñarishpami, tucui llactacunatapish, paipac ñaupapi tucuchishca carca» nircani.

JEREMÍAS 4:27

Mandac Diosca: «Tucui llactata tucuchishpapish, mana tucuita tucuchishachu.

JEREMÍAS 44:6

Chaimantami nina japiric shina piñarishpa, Judá llactacunapipish, Jerusalén callecunapipish rupachic shina llaquichircani. Chai llactacunaca cunan punzhacamanmi tucuchishca, shitashca pamba siricun» ninmi.

LAMENTACIONES 5:14

Llacta pungucunapica pushac yuyaccunapish mana ricurinchu. Mosocuna cantashpa tocashcapish ña mana uyarinchu.

EZEQUIEL 26:13

Chashnami cantaccunatapish, arpapi tocaccunatapish tucuchisha. Chaicunaca jaicapi mana uyaringachu.

EZEQUIEL 7:11

Millaita ruhuanaca yuracuna huiñac shinami mirashca. Paicunaca achca cashpapish, shucllapish mana saquirishpami tucui tucuringa. Ima charishcapish tucuimi chingaringa.

OSEAS 2:11

Paimanta cushicuita anchuchishpami, paipac fiesta punzhacunatapish, llullu quilla punzhacunatapish, samana punzhacunatapish tucuchisha.

OSEAS 2:13

Baal diosman fiestata ruhuashpa, inciensota rupachishpa, alli ricuringapac zarcillocunata, sumac huallcacunata churarishpa, paipac cuyaccunata catishpa, ñucata cungarishcamantami chashna llaquichisha. Chaitaca Mandac Dios ñucami nini.

LEVÍTICO 26:33

Cancunataca espadahuan llaquichishpami caita chaita catishpa cachasha. Cancunapac causana llactaca shitashcami saquiringa. Cancunapac causana pueblocunapish llaquinayaitami tucuchishca saquiringa.

MIQUEAS 7:13

Cai pachaca shitashca pamba shinami saquiringa. Cai pachapi causaccuna mana allita ruhuashcamanta chashna canga.

APOCALIPSIS 18:23

Achicyachic luzpish jaicapi mana tiyangachu. Cazarashpa cushicuipish mana tiyangachu. Catushpa randishpa causaccunapish maimi chayucyashcacuna. Canca brujiashpami tucui llactacunapi causaccunatapish llullashpa umashcangui.