JEREMÍAS 7:33 - Dios Rimashcata Quillcashcami

³³ Chai cuerpocunataca volac animalcuna, pambata puric animalcunami micunga. Chai animalcuna micucucpica, pi mana manchachingachu.

JEREMÍAS 7:33 ပူးပေါင်းရင်းမြစ်များ

ISAÍAS 18:6

Chai ramacunataca urcupi causac volac animalcuna, cai pachapi tiyac animalcuna micuchunmi saquinga. Chaipimi usyai punzhacunapica urcupi causac volac animalcuna, cutin tamya punzhacunapica cai pachapi tiyac sacha animalcuna micunga» ninmi.

JEREMÍAS 12:9

Ñuca acllashcacunaca, ¿manachu tucuilaya coloryuc volac animal huañuchishpa micuc angacunapac chaupipi tiyacuc shina? ¡Sachapi causac tucui millai animalcuna lambic shina tucuchingapac tandachishpa shamuichicyari!

JEREMÍAS 14:16

Paicuna huillashcata uyaccunapish jatun macanacuipi yarcaihuanmi huañunga. Chai huañushcacunataca Jerusalén ñancunapimi shitanga. Paicunapac huarmicunatapish, churicunatapish, ushicunatapish pi enterrac mana tiyangachu. Chashnami paicuna mana allita ruhuashca shinallatac llaquichisha.

JEREMÍAS 15:3

Mandac Dios ñucaca: “Paicunata llaquichingapacca chuscu jatun llaquicunatami churasha. Espadataca huañuchichun, allcucunataca caiman chaiman aisarichun, volac animalcunataca micuchun, sacha animalcunataca polvochunmi churasha.

JEREMÍAS 16:4

yalli nanai ungüicunahuanmi huañunga. Chai huañushcacunamantaca pi mana huacangachu, shinallatac mana enterrangachu. Allpapimi huanu tucunga. Paicunaca jatun macanacuipi yalli yarcaihuanmi tucuringa. Chai huañushcacunataca volac animalcuna, sacha animalcunami micunga nini» nirca.

JEREMÍAS 19:7

Judá llactapi, Jerusalenpi causaccuna cai pambapi imata yuyaricushcatapish tucuchishami. Paicunata piñashpa huañuchinata munaccunapac maquipi churashpami, paicunapac ñaupallapitac espadahuan huañuchichun saquisha. Chai huañushcacunataca volac animalcuna, sacha animalcunami micunga.

JEREMÍAS 22:19

Aisashpa apashpami, Jerusalén pungumantaca canzhaman shitanga. Burro huañushcata shinami jutcupi enterranga.

JEREMÍAS 25:33

Chai punzhapica Mandac Dios huañuchishcacunaca tucui cai pachapimi shuc ladomanta caishuc ladocaman shitashca siricunga. Chai huañushcacunamantaca pipish mana huacangachu, mana tandachingachu, mana enterrangachu. Chai huañushcacunaca cai allpapica huanumi tucunga.

JEREMÍAS 34:20

Paicunata piñashpa, huañuchinata munaccunapac maquipimi churagrini. Paicunapac cuerpotaca volac animalcuna, sacha animalcunami micunga.

JEREMÍAS 9:21

Huañuica ñucanchic ventanacunatami mandashpa tiyarina ucuman yaicushca. Chashnami ñancunapi puric huahuacunatapish, plazacunapi puric huambracunatapish tucuchishca» nircani.

JEREMÍAS 9:22

Mandac Diosca: «Huañushcacunaca huanuta pambapi shitashca shinami siricun. Trigota cosechashca quipa trigo umata pipish mana japishca shinami siricun» nirca.

EZEQUIEL 29:5

Shina llucchishpami cantapish, cambac yacupi tiyac challuacunatapish shitashca pambapi shitasha. Chai pambamantaca pipish mana japingachu, pipish mana enterrangachu. Sacha animalcuna, jahuata volac animalcuna micuchunmi saquisha.

EZEQUIEL 39:4

Cambac soldadocunandi, canhuan cac gentecunandimi Israel llacta urcucunapi huañungui. Chaipica volac animalcuna, sacha animalcunami micunga.

DEUTERONOMIO 28:26

Cancuna huañushca aichaca volac animalcunapac, allpata puric animalcunapac micunami tucunga. Chashnami pipish mana misashca micunga.

DEUTERONOMIO 8:20

Mandac Diosca cancunapac ñaupapimi shuctac llactacunataca tucuchinga. Mandac Dios rimashcata cancuna mana cazucpica, chashnallatacmi cancunatapish tucuchinga.