JEREMÍAS 7:30 - Dios Rimashcata Quillcashcami

³⁰ Mandac Diosca: «Judá llactapi causaccunaca ñucapac ñaupapimi mana allita ruhuancuna. Ñuca shutita mañana huasipi millana dioscunata churashpami mapayachirca.

JEREMÍAS 7:30 ပူးပေါင်းရင်းမြစ်များ

2 REYES 21:3

Paipac taita Ezequías lomacunapi tiyac altarcunata urmachishcataca paimi cutin shayachirca. Baal diosmanpish altarcunata ruhuarcami. Israel llactata jatun mandac Acab ruhuashca shinallatacmi Asera huarmi diostapish charirca. Jahua pachapi tiyac tucui lucerocunatapish alli nishpami adorarca.

2 REYES 21:4

Mandac Diospac huasipipish altarcunatami shayachirca. Chai huasitami Mandac Diosca: «Jerusalenpimi ñuca shutita churasha» nishca carca.

2 REYES 21:7

Asera huarmi diosman ricchatapish Mandac Diospac huasipi churarcami. Mandac Dios chai huasimanta Davidtapish, paipac churi Salomontapish rimashpaca: «Ñuca huasi tiyacuc Jerusalén pueblotaca tucui Israel aillupuramantami acllarcani. Cai huasipimi ñuca shutitaca huiñaita causachun churasha.

2 REYES 23:12

Jatun mandac Josiasca Judá llactata jatun mandaccuna Acazpac huasi jahuapi ruhuashca altartapish, Mandac Diospac huasi ishcai pungu pambacunapi Manasés ruhuachishca altarcunatapish ñutuchishpami, Cedrón yacupi shitarca.

2 CRÓNICAS 33:15

Shinallatac Mandac Diospac huasimantaca shuctac llacta dioscunatapish, paillatac ruhuashca dioscunatapish anchuchircami. Mandac Diospac huasi lomapi ruhuashca tucui altarcunatapish, Jerusalenpi ruhuashca altarcunatapish llucchishpami canzhaman shitarca.

2 CRÓNICAS 33:3

Paipac taita Ezequías tigrachishca lomacunapi tiyac altarcunatapish cutin shayachishpami, Baal dioscunaman altarcunata ruhuarca. Asera huarmi diosta yuyarina yuratapish ruhuarcami. Jahuapi tucui ima tiyaccunatapish alli nishpami mañarca.

2 CRÓNICAS 33:7

Ruhuashcalla diostapish Diospac huasipimi churarca. Chai huasimantami Davidtapish, paipac churi Salomontapish Mandac Diosca: «Cai huasita, shinallatac Jerusalentami tucui Israel aillupuramanta acllarcani. Cai huasipimi ñuca shutica huiñaita causachun churasha.

ISAÍAS 66:4

ñucapish chashnallatacmi paicunataca mana alli nishpa, paicuna manchana jatun llaquita cachasha. Paicunata ñuca cayacpica, pipish mana cutichircachu. Ñuca rimacpica, mana uyarcachu. Chaipac randica ñuca ñaupapi mana allita ruhuashpami, ñuca millashcatarac ruhuanata munarcanguichic» ninmi.

JEREMÍAS 16:18

Paicuna mana allita ruhuashcamantaca ashtahuan yallitami llaquichisha. Paicunapac huañushca dioscunahuanmi ñuca allpataca mapayachirca. Ñuca cushca llactapimi chai millanacunata jundachirca» ninmi.

JEREMÍAS 23:11

Mandac Diosca: «Ñucamanta huillac runapish, curacunapish ñucataca mana manchancunachu. Ñuca huasipipish mana allita ruhuashcatami ricuni.

JEREMÍAS 32:34

Chaipac randica, ñucata mañana huasipimi paicuna ruhuashca millana dioscunata churashpa mapayachirca.

JEREMÍAS 32:35

Paicunapac churicunata, ushicunata Moloc diosman cushpa rupachingapacmi Henonpac pambapi Baal diosman altarcunata ruhuashpa, Judá gentecunataca juchata ruhuachirca. Chaicunata ruhuachichunca mana mandarcanichu, chaita mandana yuyaillapish mana tiyarcachu nini» nirca.

EZEQUIEL 7:20

Sumac churanacunata churarishpami, jatun tucurca. Chaicunallahuantacmi millana dioscunatapish ruhuarca. Chaimantami chaicunataca imapac mana valic millanata ruhuarcani.

EZEQUIEL 8:3

Chai runaca maquita chutashpami, ñuca uma accha jahuapi churarca. Chaipimi Diospac Espirituca muscuipi shina, cai pachamanta jahuaman alzashpa, ñucataca Jerusalenman aparca. Chashna pushashpaca, jahua ladoman cac ucu yaicunallapimi shayachirca. Chaipimi Mandac Dios mana ricunayachishca ruhuashcalla dios tiyacushca carca.

DANIEL 11:31

Paipac soldadocunami Diospaclla huasitapish, jatun torretapish mapayachinga. Punzhanta Diosman cushpa rupachinatapish anchuchingami. Chaipac randica millanayaipac chingachictami churanga.

DANIEL 9:27

Shuc semanapimi achca gentecunahuan ari ninacunga. Cutin chaupi semanapimi Diosman animalta cushpa huañuchinatapish, Diosman ofrendata cunatapish anchuchinga. Chai quipaca yallita millana tucuchicmi tucurina punzhacaman llaquichingapac shamunga. Dios llaquichina nishca punzhacamanmi llaquichishpa tucuchinga” nirca.