JEREMÍAS 6:23 - Dios Rimashcata Quillcashcami

²³ Paicunaca flechacunahuan, lanzacunahuanmi shayaringa. Paicunaca mana llaquic, yalli millai gentecunami. Mama cucha manchanayaita jataric shinami, tulun nishpa shamun. Sión llactapi causaccunalla, cancunahuan macanacungapacca caballocunapimi shamun» ninmi.

JEREMÍAS 6:23 ပူးပေါင်းရင်းမြစ်များ

ISAÍAS 10:32

Cunanllatacmi Nob llactaman shamushpa, Jerusalenpi tiyac Sión urcu ladoman maquita chutanga.

ISAÍAS 13:18

Mosocunatapish flechahuanmi huañuchinga. Llullu huahuacunatapish mana llaquingachu. Huahuacunata ricushpaca, ashallatapish mana llaquingachu.

ISAÍAS 17:12

¡Aij, mama cucha shina huaj nicuc tandanacushca gentecunalla! Achca yacu huaj nicuc shinami, shuc llactamanta runacunaca yallita caparishpa shamunga.

ISAÍAS 19:4

Egiptopi causaccunataca yallita llaquichic millai amopac maquipimi churasha. Shina ruhuacpimi, jatun mandacca paicunataca sinchita mandanga» ninmi. Chaitaca tucuita Mandac Diosmi nin.

JEREMÍAS 25:32

Tucuita Mandac Diosca: «Llaquica llacta llactami ringa. Cai pacha tucurimantami acapana huaira jataringa» ninmi.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

JEREMÍAS 30:14

Canta tucui cuyaccunapish ña mana yuyarinchu. Cantaca pipish mana mashcanchu. Cantaca ñucata piñac runata shinami chugrichircani. Canllatac yalli mana allita ruhuashcamanta, yalli juchayuc cashcamantami mana llaquishpa chugrichircani.

JEREMÍAS 4:13

Piñac runacunaca puyu huichai shamuc shina, carretacunaca acapana huaira shinami shamun. Caballocunaca angata yallimi callpan. Chashna shamucpica cancunaca: “¡Aij, ñucanchiclla, imachari tucushun!” ninguichicmi.

JEREMÍAS 4:16

Shuctac llactacunatapish, Jerusalentapish: “Caru llactamantami soldadocunaca muyunacushpa, Judá llactacunapi causaccunata llaquichingapac caparishpa shamucun” nichicyari.

JEREMÍAS 4:29

Caballopi montac soldadocunapish, flechata cacharic soldadocunapish yallita tulun nishpa shamucucta uyashpami llactapi causaccunaca jatun sachacunapi, rumi quingraicunapi miticunga. Tucui llactacunata shitashpa rishcamantami shucllapish mana tiyanga.

JEREMÍAS 5:16

Tucui paicunami yalli sinchi runacuna. Paicunapac flechacunata huacaichinaca huañushcata enterrana jutcu shinami.

JEREMÍAS 50:41

Jahua llactamantami achca gentecuna shamun. Cai pacha tucuri llactacunamantami achca gentecuna jatun mandaccunandi shamunga.

JEREMÍAS 50:42

Babilonia llactapi causaccunalla, sinchi gentecunami arcohuanpish lanzahuanpish shamun. Paicunaca mana llaquishpami huañuchinga. Mama cucha yacu jatarishpa huacac nic shinami manchanayaita shamunga. Cancunahuan macanacungapac allichirishpami caballocunapi shamunga.

JEREMÍAS 6:4

«¡Macanacungapac allichirishunchic! ¡Jatarichic! ¡Chaupi punzha macanacungapac yaicushunchic!» ningacuna. Cancunaca: «¡Aij, ñucanchiclla! ¡Ña amsayagrinmi! ¡Ñami tutayacun!

JEREMÍAS 8:16

Piñaccunapac caballocuna huacashcaca Danmanta pachami uyarimun. Chai caballocuna huacacpica, tucui llactami chucchun. Chashna shamushpaca, allpapi ima tiyactapish, llactatapish, chaipi causaccunatapish tucuchinmi» nirca.

EZEQUIEL 21:31

Ñucaca nina japiric shina yallita piñarishpami llaquichisha. Cancunata yallita llaquichichunmi millaita ruhuac runacunaman cusha.

DEUTERONOMIO 28:49

Mandac Diosca mana entendipac rimaita rimac gentecunatami cai pacha tucurimanta apamunga. Paicunaca carumantami águila shina cungailla shamunga.