JEREMÍAS 52:31 - Dios Rimashcata Quillcashcami

³¹ Jatun mandac Evil-merodac Babilonia llactata mandai callaricpica, Judá llactata jatun mandac Joaquinca quimsa chunga canchis huatatami Babilonia llactapi prezu carca. Chai huata, chunga ishcai quilla, ishcai chunga pichca punzhami Judá llactata jatun mandac Joaquintaca carcelmanta llucchirca.

JEREMÍAS 52:31 ပူးပေါင်းရင်းမြစ်များ

GÉNESIS 40:13

Quimsa punzha quipami Faraonca carcelmanta llucchishpa, cutinllatac Faraonman ima ruhuanata ruhuacushcallapitac churanga. Chaipimi canca utcapi ima shina Faraonman vinota servic cashca shinallatac servingui.

GÉNESIS 40:20

Quimsa punzha quipaca jatun mandac Faraonpac huacharishca punzha pactacpimi, jatun mandacca tucui paita serviccunaman jatun micuita caracurca. Chai serviccunapac ñaupapimi, vinota serviccunata mandacta, shinallatac tandata ruhuaccunata mandacta carcelmanta llucchimuchun cacharca.

JOB 22:29

Jatun tucushcacunaca, pingaichishcami canga. Yangalla caccunataca Diosmi jatunyachinga.

SALMOS 27:6

Chashna ruhuashpami ñuca muyundipi cac, ñucata piñaccunapac jahuapi churanga. Chaimantami cushicushpa, paihuan tupana huasipica animalcunata cushpa huañuchisha. Mandac Diostaca sumac salmocunahuanmi cantashpa alli nisha.

SALMOS 3:3

Ashtahuanpish Mandac Dioslla, escudo shinami ñuca muyundita jarcangui. Canca sumaimana cushichicmi cangui. Ñuca umata alzachishpa sinchiyachicmi cangui.

PROVERBIOS 21:1

Jatun mandacpac shungu Mandac Diospac maquipica callpacuc yacu shinami. Diosmi pai munashcata ruhuachin.

JEREMÍAS 37:1

Babilonia llactata jatun mandac Nabucodonosormi Josiaspac churi Sedequiasta Judá llactata jatun mandachun churarca. Paica Joacimpac churi Coniaspac randimi mandarca.