JEREMÍAS 52:27 - Dios Rimashcata Quillcashcami

²⁷ Hamat llactapi tiyac Ribla llactaman chayachicpimi, Babilonia llactata jatun mandacca espadahuan huañuchichirca. Chashnami tucui Judá gentecunaca paicunapac llactamanta prezu rircacuna.

JEREMÍAS 52:27 ပူးပေါင်းရင်းမြစ်များ

2 SAMUEL 8:9

Hamat llactata jatun mandac Toica David Hadad-ezerpac soldadocunata atishcata chayashpami,

2 REYES 17:20

Chaimantami Mandac Diosca israelcunapac tucui huahua huahuacunataca saquirca. Paipac ñaupamanta anchuchingacamanmi shuhuashpa causaccunapac maquipi churashpa llaquichirca.

2 REYES 17:23

Mandac Diosca pai ima nishcata huillac serviccunaman huillachishca shinallatacmi israelcunataca paipac ñaupamanta llucchishpa cacharca. Israelcunaca paicunapac llactamanta Asiria llactaman prezu apacpimi, cunancaman chaipi cancuna.

2 REYES 23:27

Chaimantami Mandac Diosca: «Israel llactapi causaccunata ñuca ñaupamanta anchuchishca shinallatacmi Judá llactapi causaccunatapish anchuchigrini. Shinallatac ñuca acllashca Jerusalén pueblotapish, ñuca: “Chaipimi ñuca shutita churasha” nishca huasitapish chingachigrinimi» nirca.

ISAÍAS 24:3

Tucui allpaca chushaclla, tucui imapish illacmi saquiringa. Chaitaca Mandac Diosmi nin.

ISAÍAS 27:10

Muyundita pircashca llactataca llaquinayaitami tucuchishca. Achca carpa huasicunaca shitashcami saquiringa. Chaipimi becicunata michincuna. Chai vecicunami yura ramacunata micushpa tucuchinga.

ISAÍAS 43:28

Chaimantami ñucapaclla huasipi mandaccunataca cumurichircani. Jacobopac huahua huahuatapish llaquipi churashpa, israelcunataca yangallata ruhuarcani.

JEREMÍAS 13:19

Neguev pambapi tiyac llactacunapish huichcashcami, pipish chaita mana pasanchu. Judá llactapi causaccunatapish tucuimi prezu apashca. Shucllatapish mana saquishpami apashca.

JEREMÍAS 20:4

Mandac Diosca: “Riqui, cantapish, canhuan tucui apanacuccunatapish jatun mancharinatami ruhuagrini. Paicunata piñaccunami espadahuan huañuchinga. Chaitaca cambac ñahuihuanmi ricungui. Judá llactapi causaccunataca Babilonia llactata jatun mandacpac maquipimi churagrini. Paimi Babilonia llactaman prezu apashpa, espadahuan huañuchinga.

JEREMÍAS 21:7

Chai quipaca Judá llactata jatun mandac Sedequiastapish, paita serviccunatapish, shuctac gentecunatapish, chai ungüihuan, yarcaihuan mana huañushpa, cai llactapi saquirishcacunatapish, jatun macanacuipi mana huañushcacunatapish Babilonia llactata jatun mandac Nabucodonosorpac maquipimi churasha. Paicunata piñashpa, huañuchinata munaccunapac maquipi churacpica, mana llaquishpami espadahuan huañuchinga. Shucllatapish mana saquingachu. Shucllatapish mana llaquingachu” ninmi ninguichic.

JEREMÍAS 39:10

Shina apashpapish soldadocunata mandac Nabuzaradanca imata mana charic huacchacunataca Judá llactallapitacmi saquirca. Paicunamanca allpacunata, uvas chagracunatami curca.

JEREMÍAS 39:9

Soldadocunata mandac Nabuzaradanca Jerusalenpi saquirishcacunatapish, paicuna parte tucushca runacunatapish Babilonia llactamanmi aparca.

JEREMÍAS 52:9

Chaimantami jatun mandactaca prezushpa, Babilonia llacta jatun mandacpacman Hamat llactapi cac Ribla llactaman aparca. Chaipimi paitaca ima shina llaquichinata mandarca.

EZEQUIEL 33:28

Chai llactaca shitashca pambami saquiringa. Yallita sinchi llactaca tucuringami. Israel urcucunapish llaquinayaitami tucuringa. Chaicunataca pipish mana puringachu.

MIQUEAS 4:10

Sionpi causaccunalla, shuc huarmi sajuarina nanaihuan shinami, yallita caparicunguichic. Cancunaca, caimanta llucshi rishpami, campopi causagringuichic. Chai quipaca, Babilonia llactamanmi chayanguichic. Chaipi cacpimi, Mandac Diosca cancunata piñaccunapac maquimanta quishpichinga.

DEUTERONOMIO 28:36

Mandac Diosmi cancunatapish, cancunapac llactata jatun mandaccunatapish, cancunapish, cancunapac taitacunapish mana ricsishca llactacunapacman apanga. Chai llactapimi rumimanta, caspimanta ruhuashca shuctac dioscunata servinguichic.

DEUTERONOMIO 28:64

Mandac Diosmi cancunataca cai pacha callari llactamanta tucuri llactacaman tucui llactacunata shic-huashpa cachanga. Chaipica caspimanta, rumimanta ruhuashca, cancunapac taitacunapish mana ricsishca dioscunatami adoranguichic.

DEUTERONOMIO 4:26

Chaimantami cunanca tucurinata ricuchichunmi jahua pachatapish, cai pachatapish churani. Jordán yacuta pasashpa, chai llactapi causacushpa, utca tucurina cashcata ricuchichunmi churani. Mana unaitachu chai llactapica causanguichic.