JEREMÍAS 52:24 - Dios Rimashcata Quillcashcami

²⁴ Cuidac soldadocunata mandacca curacunata mandac Seraías curatapish, paipac quipa Sofonías curatapish, Diospac huasi pungupi cuidac quimsa soldadocunatapish quimsatatacmi prezurca.

JEREMÍAS 52:24 ပူးပေါင်းရင်းမြစ်များ

2 REYES 23:4

Chaimantami jatun mandac Josiasca curacunata mandac Hilciastapish, quipa mandac curacunatapish, pungupi cuidaccunatapish Mandac Diospac huasimanta Baal, Asera huarmi dioscunaman, jahua pacha lucerocunaman ruhuashca imallacunata llucchichun mandarca. Chaicunataca Jerusalenmanta llucchishpami, Cedrón pambapi rupachirca. Chai uchupataca Bet-el pueblopimi shitachun cacharca.

2 REYES 25:18

Soldadocunata mandacca curatapish, chai quipa Sofonías curatapish, Diospac huasipi tiyac platocunata cuidac quimsa runacunatapish aparcami.

1 CRÓNICAS 6:14

Azariasca Seraías churitami charirca. Seraiasca Josadac churitami charirca.

ESDRAS 7:1

Jatun mandac Artajerjes, Persia llactata mandacui punzhacunami Seraiaspac churi Esdras curaca Babilonia llactamanta chayamurca. Seraiasca Azariaspac churi, Azariasca Hilciaspac churi

SALMOS 84:10

Huaranga punzhacunata canzhapi canapac randica, shuc punzhallatapish cambac huasi pungupi canami ashtahuan alli. Juchayuccunapac huasipi causanapac randica, ñuca Diospac huasi pungupi canami ashtahuan alli.

JEREMÍAS 20:4

Mandac Diosca: “Riqui, cantapish, canhuan tucui apanacuccunatapish jatun mancharinatami ruhuagrini. Paicunata piñaccunami espadahuan huañuchinga. Chaitaca cambac ñahuihuanmi ricungui. Judá llactapi causaccunataca Babilonia llactata jatun mandacpac maquipimi churagrini. Paimi Babilonia llactaman prezu apashpa, espadahuan huañuchinga.

JEREMÍAS 21:1

Judá llactata jatun mandac Sedequiasca Malquiaspac churi Pasurta, Maasiaspac churi Sofonías curatami Jeremiaspacman cacharca. Paicunata cachashpaca:

JEREMÍAS 29:25

“Israelcunapac tucuita Mandac Diosca: Canca tucui cai Jerusalenpi causaccunaman, Maasiaspac churi Sofonías curaman, caishuc curacunamanca cambac shutipi quillcashca cartatami cacharcangui. Chai cartapica:

JEREMÍAS 29:29

Chai cartataca Sofonías curami Dios ima nishcata huillac Jeremiaspac ñaupapi rezarca.

JEREMÍAS 34:21

Judá llactata jatun mandac Sedequiastapish, pai churashca mandaccunatapish, paita piñashpa huañuchinata munaccunapac, cancunapac ñaupamanta rishca Babilonia llactata jatun mandacpac soldadocunapac maquipimi churasha.

JEREMÍAS 35:4

Mandac Diospac huasiman pushamurcani. Chaica, Diosta servic Hananpac churicunapac huasimi carca. Hananca Igdaliaspac churimi carca. Chai huasica mandaccunapac huasi ladopi, Diospac huasi pungupi cuidac Maasiaspac huasi jahua altopimi carca. Maasiasca Salumpac churimi carca.

JEREMÍAS 37:3

Jatun mandac Sedequías Selemiaspac churi Jucalta, Maasiaspac churi Sofonías curata Dios ima nishcata huillac Jeremiaspacman cachashpaca: «Ñucanchicmanta ñucanchicta Mandac Diosta mañaiyari» nichunmi cacharca.

JEREMÍAS 52:12

Jatun mandac Nabucodonosorca Babilonia llactata chunga iscun huata, pichca quilla, chunga punzhata mandacushpami paipac ñaupapi servishpa causac soldadocunapac mandac Nabuzaradanhuan Jerusalenman rirca.

JEREMÍAS 52:15

Soldadocunata mandac Nabuzaradanca Jerusalenpi causac huacchacunatapish, chai llactapi saquirishca gentecunatapish, Babilonia llactata jatun mandacpac parte tucushca gentecunatapish, chai llactapi causac artesanocunatapish apamuchun mandarcami.

LAMENTACIONES 4:16

Mandac Diosllatacmi caita, chaita shic-huashpa cacharca. Paicunataca mana ashtahuan tigra ricungachu. Curacunatapish mana mancharcachu. Yuyaccunatapish mana llaquircachu.

EZEQUIEL 11:7

Chaimantami, Mandac Dios ñucaca: Cai llacta chaupipi cac huañushcacunaca aicha shina, cutin cai puebloca manga shinami canga nini. Shina cacpipish, cancunataca cai llactamanta llucchishami.

EZEQUIEL 24:5

Shinallatac alli ovejata acllai. Chai quipaca yantata jundachishpa, tullucuna alli yanuringacaman timbuchi.

EZEQUIEL 34:10

Mandac Dios ñucaca: ¡Riquichic, michiccunahuanca yallitami piñarishca cani! ¡Ñuca ovejacuna ima tucushcataca ñucami tapusha! Ña mana paicunata michichun saquishachu. Shina ruhuacpimi, paicunalla cuidarinataca saquinga. Ashtahuanpish ñuca ovejacunataca paicunapac shimimanta quichushpami, paicuna micuchunca, mana ashtahuan saquisha.