JEREMÍAS 52:22 - Dios Rimashcata Quillcashcami

²² Chai pilarcuna jahuapi churashca capitel ishcai jatun bolacunaca ishcai metro yalli altomi carca. Chaicunapish broncellamanta ruhuashcami carca. Chai uma muyundipica linchihuan pilluchishcapish, granadacunata ruhuashpa huarcushcapishmi carca. Ishcai pilarcunapac umacunapish chai shinallatacmi carca.

JEREMÍAS 52:22 ပူးပေါင်းရင်းမြစ်များ

1 REYES 7:20

Chai ishcai pilar umapi churashca capitelcunapica ishcai patsac granadillata rejilla jahuapi ishcai filata muyuchishpa ruhuashcami carca. Caishuc capitelpish chashnallatacmi carca.

1 REYES 7:42

Chuscu patsac granadacunatapish ishcai rejillacunapacmi ruhuarca. Chai granadacunataca chai pilarcunapac umapi churashca capitelcunata muyundi tapangapacmi cada rejillapi ishcai filata ruhuashpa huarcurca.

2 REYES 25:17

Cada pilarmi pusac metro yalli carca. Chai pilarpac umapica broncemanta ruhuashca capitelta churashcami carca. Chai capitelca shuc metro quimsa chunga pichca centimetromi carca. Chai capitelpac jahuapica tucuimi broncemanta ruhuashca granadillacunata muyuchishca carca. Chaishuc pilarpish, chashnallatacmi muyuchishca carca.

2 CRÓNICAS 3:15

Diospac huasi ñaupapi churangapacca, chunga pichca metro canchis chunga pichca centimetrota charic ishcai jatun pilarcunatami ruhuarca. Chai pilarcunapac umapi churashca capitelcunaca ishcai metro ishcai chunga centimetromi carca.

ÉXODO 28:25

Chai ishcai huatucunataca curi ishcai engastecunahuan efod ishcai hombros jahuapi churashpa ñaupa ladoman huatangui.