JEREMÍAS 52:20 - Dios Rimashcata Quillcashcami

²⁰ Ishcai jatun pilarcunata, jatun pailata, chai ucupi tiyac bronce huagracunata, caishuc uchilla tanquecunataca jatun mandac Salomón causacushpami, broncemanta ruhuachishca carca. Chaicunami Mandac Diospac huasipi tiyacurca. Tucui chaicuna mashna pezactaca mana yachai tucuipacmi carca.

JEREMÍAS 52:20 ပူးပေါင်းရင်းမြစ်များ

1 REYES 7:25

Chai pailaca chunga ishcai huagracunapac jahuapimi tiyachishca carca. Chai huagracunaca quimsaca huichaiman, quimsaca inti tigrana ladoman, caishuc quimsaca uraiman, chaishuc quimsaca inti llucshina ladoman ricushpami shayacurca. Chai pailaca huagracunapac jahuapimi carca. Chaquicunaca ucu ladomanmi carca.

1 REYES 7:47

Chai tucui charishcacunata ruhuashcacunaca achca cacpimi, broncecuna mashnata pezactaca Salomonca mana yacharca.

2 REYES 25:16

Ishcai jatun pilarcunata, yacuta churana pailata, yacuta apana carretacunataca Mandac Diospac huasimanmi Salomón ruhuachishca carca. Chai tucui charishcacunaca maita mana pezaipac yalli achcami carca.

1 CRÓNICAS 22:14

Riqui, ñucaca sinchi, sinchi cashpami, Mandac Diospac huasita shayachingapacca patsac huaranga talento curita, shuc junu talento cullquita tandachircani. Shinallatac broncepish fierropish achca cashcamantami mana pezashca tiyacun. Shinallatac caspicunatapish, rumicunatapish allichircanimi. Chaitaca canpish ashtahuan tandachishpami mirachina cangui.

2 CRÓNICAS 4:18

Salomonca chai tucui ruhuashcacuna achca cacpimi, mashna bronce yaicushcata mana pezai pudirca.

JEREMÍAS 52:17

Caldeocunaca Mandac Diospac huasi ñaupapi shayachishca jatun bronce pilarcunataca paquircami. Shinallatacmi broncellamantatac ruhuashca jatun pailatapish, uchilla pailacunatapish paquirca. Mandac Diospac huasimanta tucui broncecunataca Babilonia llactamanmi aparca.