JEREMÍAS 52:11 - Dios Rimashcata Quillcashcami

¹¹ Babilonia llactata jatun mandacca Sedequiasta ñahuita surcushpami, cadenahuan huatashpa, Babilonia llactaman prezu aparca. Chai llactapimi huañungacaman prezu carca.

JEREMÍAS 52:11 ပူးပေါင်းရင်းမြစ်များ

JEREMÍAS 21:7

Chai quipaca Judá llactata jatun mandac Sedequiastapish, paita serviccunatapish, shuctac gentecunatapish, chai ungüihuan, yarcaihuan mana huañushpa, cai llactapi saquirishcacunatapish, jatun macanacuipi mana huañushcacunatapish Babilonia llactata jatun mandac Nabucodonosorpac maquipimi churasha. Paicunata piñashpa, huañuchinata munaccunapac maquipi churacpica, mana llaquishpami espadahuan huañuchinga. Shucllatapish mana saquingachu. Shucllatapish mana llaquingachu” ninmi ninguichic.

JEREMÍAS 39:7

Jatun mandac Sedequiastaca ñahuicunata llucchishpami, Babilonia llactaman apangapac bronce cadenahuan huatarca.

LAMENTACIONES 2:6

Paipaclla carpa huasitapish huerta chaupipi cac chucllata shinami tucuchishpami, tandanacuna huasitapish tucuchirca. Mandac Diosllatacmi Sionpac jatun fiestacunatapish, samana punzhacunatapish cungachirca. Nina japiric shina piñarishpami jatun mandactapish, curatapish llucchishpa cacharca.

EZEQUIEL 12:13

Ashtahuanpish paipac jahuapi linchita shitashpami, ñuca tucllapi urmachisha. Chaimantaca caldeocuna causana Babilonia llactaman apachunmi saquisha. Llactataca mana ricungachu. Chaipimi huañunga.

EZEQUIEL 17:16

Mandac Dios ñuca shutipimi nini: Chai runa pai ari nishcata mana cazushcamantaca mandac cachun churashca jatun mandacpac Babilonia llactallapitacmi huañunga. Paihuan ari nishcata yangapi churashpami, pactachinacunatapish mana cazurca.

EZEQUIEL 23:24

Canta llaquichingapacca, jahua ladomantami macanacuna carretacunata, micunata apac carretacunata apashpa, muyunacushpa shamunga. Chashnami jatun escudocunahuan, uchilla escudocunahuan, umapipish fierro churanata churarishca cambac ladopi shayaringa. Paicunaca ñuca llaquichichun cachacpimi, paicunapac mandashcacunapi nishca shina cantaca taripashpa llaquichinga.