JEREMÍAS 51:60 - Dios Rimashcata Quillcashcami

⁶⁰ Babilonia llactata llaquicuna japinatami Jeremiasca shuc carapi quillcarca. Babilonia llactata ima shina llaquichinata tucui rimashcata quillcashcami chaipica tiyacun.

JEREMÍAS 51:60 ပူးပေါင်းရင်းမြစ်များ

ISAÍAS 30:8

Cunanca, muscuipi shina ñuca ricuchishcataca paicunapac ñaupapi, shuc tablapi quillcagri. Chashna quillcacpimi, huiñai huiñaipac tiyanga.

JEREMÍAS 36:32

Shina nicpimi, Jeremiasca carata japishpa, Neriaspac churi quillcac Barucman curca. Chai carapimi Barucca Judá llactata jatun mandac Joacim rupachishca carapi tucui quillcashcacunallatatac Jeremías cutin quillcachicpi quillcarca. Chai carapica shuctac rimaicunatapish ashtahuan quillcarcami.

JEREMÍAS 51:1

Mandac Diosca: «Babilonia llactatapish, caldeocunatapish llaquichingapacmi jatun huairata cachasha.

JEREMÍAS 51:61

Chai quipami Jeremiasca Seraiastaca: «Babilonia llactaman rishpaca, caipi quillcashcata rezangui.

DANIEL 12:4

Shina cacpipish, Daniel-lla, canca cai rimashcata quillcashca librotaca tucuri punzhacaman sellashpa churai. Achcacunami allita yachanata mashcashpa caiman chaiman callpanga.

APOCALIPSIS 1:11

«Ñucami callari A shina, tucuri Z shina callarichicpish, tucurichicpish cani. Cai can ima ricushcataca shuc libropi quillcashpa, Asia llacta canchis pueblopi causac tandanacushca criccunaman cachai. Chaicunaca Efeso, Esmirna, Pérgamo, Tiatira, Sardis, Filadelfia, shinallatac Laodicea pueblocunami can» nirca.

APOCALIPSIS 1:19

Can imata ricushcatapish, cunan ima tucushcatapish, shinallatac quipaman ima tucuna cashcatapish quillcai.